ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ವಿಪ್ರೋ ಬಿಪಿಓಗೆ ‘ಬೆಸ್ಟ್ ಎಂಪ್ಲಾಯರ್’ ಎಂಬ ಕೀರ್ತಿ...!
ಬೆಂಗಳೂರು : ವಿಪ್ರೋ ಸಂಸ್ಥೆ, ಹೊರಗುತ್ತಿಗೆ(ಬಿಸಿನೆಸ್ ಪ್ರೋಸೆಸ್ ಔಟ್ಸೋರ್ಸಿಂಗ್) ಕ್ಷೇತ್ರದಲ್ಲಿ ದೇಶದ ಅತ್ಯುತ್ತಮ ಉದ್ಯೋಗದಾತ ಸಂಸ್ಥೆಗಳಲ್ಲೊಂದು ಎಂದು ‘ಬೆಸ್ಟ್ ಎಂಪ್ಲಾಯರ್ಸ್ ಹೆವಿಟ್ ಸಮೀಕ್ಷೆ-2007’ ಹೇಳಿದೆ.
ವಿಪ್ರೋ ಮುಖ್ಯ ಕಾರ್ಯ ನಿರ್ವಾಹಕ ಅಧಿಕಾರಿ(ಸಿಈಓ) ಟಿ.ಕೆ.ಕುರಿಯನ್ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ಹೊರಗುತ್ತಿಗೆ ಕ್ಷೇತ್ರದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ 230 ಸಂಸ್ಥೆಗಳ ಪೈಕಿ, ಒಟ್ಟು 25 ಸಂಸ್ಥೆಗಳನ್ನು ಅತ್ಯುತ್ತಮವಾದವುಗಳೆಂದು ಗುರುತಿಸಲಾಗಿದೆ. ಈ ಪಟ್ಟಿಯಲ್ಲಿ ವಿಪ್ರೋ 11ನೇ ಸ್ಥಾನ ಪಡೆದಿದೆ ಎಂದು ವಿವರಿಸಿದರು.
ಉದ್ಯೋಗದ ಪರಿಸರಕ್ಕೆ ಸಂಬಂಧಿಸಿದಂತೆ ಹೆವಿಟ್ ಸಮೀಕ್ಷೆ ಜಾಗತಿಕ ಮಾನದಂಡಗಳನ್ನು ಇರಿಸಿಕೊಂಡಿದೆ. ಈ ಸಮೀಕ್ಷೆಯಲ್ಲಿ ಸಂಸ್ಥೆಗೆ ಸ್ಥಾನ ದೊರೆತಿರುವುದು ಒಂದು ಗೌರವವೇ ಸರಿ. ಸಮೀಕ್ಷೆ, ಸಂಸ್ಥೆಯ ಮೌಲ್ಯಾಧಾರಿತ ಹಾಗೂ ಗ್ರಾಹಕ ಕೇಂದ್ರಿತ ಸೇವೆಯನ್ನು ಗುರುತಿಸಿರುವುದು ಹರ್ಷ ತಂದಿದೆ ಎಂದು ಅವರು ಹೇಳಿದರು.
(ದಟ್ಸ್ ಕನ್ನಡ ವಾರ್ತೆ)
Comments
Story first published: Tuesday, May 8, 2007, 5:30 [IST]