ವಿಧಾನಮಂಡಲದ ಅಧಿವೇಶನ : ಸರ್ಕಾರಕ್ಕೆ ಅಗ್ನಿ ಪರೀಕ್ಷೆ

ಬೆಂಗಳೂರು : ವಿಧಾನಮಂಡಲದಲ್ಲಿ ಬುಧವಾರದಿಂದ ಆರಂಭಗೊಳ್ಳಲಿರುವ ಬಜೆಟ್‌ ಅಧಿವೇಶನದಲ್ಲಿ, ಕಾವೇರಿ ಬಗ್ಗೆ ಚರ್ಚಿಸಲು ಎರಡು ದಿನಗಳನ್ನು ತೆಗೆದಿಡಲಾಗಿದೆ.

ವಿಧಾನ ಪರಿಷತ್ತು ಮತ್ತು ವಿಧಾನ ಸಭೆಯಲ್ಲಿ ಕಾವೇರಿ ನೀರು ಹಂಚಿಕೆ ವಿಚಾರದ ಬಗ್ಗೆ ಚರ್ಚೆ ನಡೆಯಲಿದೆ. ಈ ಅಧಿವೇಶನ ಆಡಳಿತ ಪಕ್ಷಕ್ಕೆ ಅಗ್ನಿ ಪರೀಕ್ಷೆ. ಬಜೆಟ್‌ ನೀತಿ, ಸಾರಾಯಿ ನಿಷೇಧ, ಸಾಲ ಮನ್ನಾ, ಒಂದಂಕಿ ಲಾಟರಿ ನಿಷೇಧ, ಕಾವೇರಿ ವಿವಾದ, ಈಡೇರದ ಭರವಸೆಗಳು -ಇವು ಸರ್ಕಾರಕ್ಕೆ ಮುಜುಗರ ಉಂಟುಮಾಡುವ ಸಾಧ್ಯತೆಗಳಿವೆ.

ಅಧಿವೇಶನದಲ್ಲಿ ಪ್ರತಿಪಕ್ಷದ ಸ್ಥಾನದಲ್ಲಿ ಕೂತಿರುವ ಕಾಂಗ್ರೆಸ್‌, ರಾಜ್ಯ ಸರ್ಕಾರದ ವೈಫಲ್ಯಗಳನ್ನು ಪ್ರತಿಬಿಂಬಿಸಲು ಸಿದ್ಧತೆ ನಡೆಸಿದೆ. ಸ್ಥಳೀಯ ಚುನಾವಣೆ, ಸಾರಾಯಿ ನಿಷೇಧ ಮತ್ತಿತರ ಸಂಗತಿಗಳು ಬಜೆಟ್‌ ಅಧಿವೇಶನದಲ್ಲಿ ಚರ್ಚೆಗೆ ಬರಲಿವೆ.

2007-08ನೇ ಸಾಲಿನ ರಾಜ್ಯಆಯವ್ಯಯ ಪತ್ರವನ್ನು ಮಾ.16ರಂದು ಉಪಮುಖ್ಯಮಂತ್ರಿಮಂಡಿಸಲಿದ್ದಾರೆ.

(ಯುಎನ್‌ಐ)