ಹೆಚ್‌ಎಂಟಿಯ ಅಧಿಕಾರಿಗಳ ಮೇಲೆ ಸಿಬಿಐ ಕೇಸ್‌

ಬೆಂಗಳೂರು : ಹಣ ದುರುಪಯೋಗದ ಆರೋಪದ ಮೇಲೆ ಹೆಚ್‌ಎಂಟಿ ಕಾರ್ಖಾನೆಯ ಹಿರಿಯ ಅಧಿಕಾರಿಗಳ ಮೇಲೆ ಸಿಬಿಐ ಮೊಕದ್ದಮೆ ಹೂಡಿದೆ.

ನಮೂದಿತ ಬೆಲೆಗಿಂತ ಅಧಿಕ ಹಣ ದಾಖಲಿಸಿ, ವಾಚ್‌ ಮಾರಾಟ ಮಾಡಿ , ಕಂಪೆನಿಗೆ ಸುಮಾರು 7 ಕೋಟಿ ರೂ. ವಂಚಿಸಿರುವ ಬಗ್ಗೆ ತನಿಖಾ ತಂಡ ಶಂಕೆ ವ್ಯಕ್ತಪಡಿಸಿದೆ. ಬೆಂಗಳೂರಿನ ಕಾಸ್‌ ಮಾಸ್‌ ಬ್ಯಾಂಕ್‌ ನಲ್ಲಿ ಈ ಅವ್ಯವಹಾರ ಬಯಲಿಗೆ ಬಂದಿದೆ. ಹಿಂದೂಸ್ಥಾನ್‌ ಮೆಷಿನ್‌ಟೂಲ್ಸ್‌(ಹೆಚ್‌ಎಂಟಿ)ಗೆ ಸೇರಿದ ಸುಮಾರು 11 ಜನ ಹಿರಿಯ ಅಧಿಕಾರಿಗಳು ಇದರಲ್ಲಿ ಭಾಗಿಯಾಗಿದ್ದಾರೆ.

ಕೊಚ್ಚಿ, ಚೆನ್ನೈ, ಸ್ವಿಸ್‌ ಟೈಮ್‌ ಹೌಸ್‌ ಹಾಗೂ ಬೆಂಗಳೂರಿನ ಅಧಿಕಾರಿಗಳ ಮೇಲೆ ಈ ಸಂಬಂಧ ಸಿಬಿಐ ಮೊಕದ್ದಮೆ ದಾಖಲಿಸಿದೆ.

(ದಟ್ಸ್‌ ಕನ್ನಡ ವಾರ್ತೆ)