ವೈದ್ಯರಿಗೆ 3 ವರ್ಷ ಹಳ್ಳಿವಾಸ ಅನಿವಾರ್ಯ -ಅಶೋಕ್‌

ಬೆಂಗಳೂರು : ವೈದ್ಯರು ಕಡ್ಡಾಯವಾಗಿ ಹಳ್ಳಿಗಳಲ್ಲಿ ಸೇವೆ ಸಲ್ಲಿಸಬೇಕೆಂಬ ಹೊಸ ಕಾನೂನು ಸದ್ಯದಲ್ಲಿಯೇ ಜಾರಿಗೆ ಬರಲಿದೆ.

ಗುರುವಾರ ವಿಧಾನಸಭೆಯಲ್ಲಿ ಆರೋಗ್ಯ ಸಚಿವ ಆರ್‌.ಅಶೋಕ್‌, ಬಿಜೆಪಿ ಶಾಸಕ ಪ್ರಭಾಕರ್‌ ಬಂಗೇರ ಅವರ ದೂರುಗಳಿಗೆ ಉತ್ತರ ನೀಡುತ್ತ ಈ ವಿಚಾರ ಸ್ಪಷ್ಪಪಡಿಸಿದರು.

ವೈದ್ಯಕೀಯ ಶಿಕ್ಷಣ ಸಚಿವಾಲಯ ಮತ್ತು ಇನ್ನಿತರ ಇಲಾಖೆಗಳ ಜೊತೆ ಈ ಸಂಬಂಧ ಚರ್ಚೆ ನಡೆಸಿದ್ದೇವೆ. ಕನಿಷ್ಠ ಮೂರು ವರ್ಷ ಹಳ್ಳಿಗಳಲ್ಲಿ ವೈದ್ಯರು ಸೇವೆ ಸಲ್ಲಿಸಬೇಕು. ಇದರಿಂದ ಹಳ್ಳಿಗಳಲ್ಲಿ ವೈದ್ಯರ ಕೊರತೆ ನೀಗಲಿದೆ. ಗ್ರಾಮೀಣರಿಗೆ ಅನುಕೂಲವಾಗಲಿದೆ ಎಂದು ಆರ್‌.ಅಶೋಕ್‌ ಅಭಿಪ್ರಾಯಪಟ್ಟರು.

(ಯುಎನ್‌ಐ)