ಕಾರು-ಬಾರು : ಮಾರುತಿ ಬೆಲೆಯಲ್ಲಿ 12ಸಾವಿರ ಹೆಚ್ಚಳ!

ನವದೆಹಲಿ : ಕಾರು ಖರೀದಿಗೆಂದು ಹೊರಟವರಿಗೆ, ಆರಂಭದಲ್ಲಿಯೇ ಒಂದು ಕಹಿಸುದ್ದಿ! ಮಾರುತಿ ಕಾರುಗಳ ಬೆಲೆ ಮುಂದಿನ ತಿಂಗಳಿನಿಂದ 12ಸಾವಿರ ರೂ.ವರೆಗೆ ಹೆಚ್ಚಳವಾಗಲಿದೆ.

ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದ ಮಾರುತಿ ಉದ್ಯೋಗ್‌ಲಿಮಿಟೆಡ್‌ನ ಸಿಇಒ ಮತ್ತು ಕಾರ್ಯನಿರ್ವಾಹಕ ನಿರ್ದೇಶಕ ಜಗದೀಶ್‌ ಖತ್ತಾರ್‌, ಹೊಸ ದರಗಳು ಫೆ.1ರಿಂದ ಜಾರಿಗೆ ಬರಲಿವೆ ಎಂದರು.

ಈಗಾಗಲೇ ಎಲ್ಲಾ ಡೀಲರ್‌ಗಳಿಗೆ ಈ ವಿಚಾರವನ್ನು ತಿಳಿಸಿದ್ದೇವೆ. ಎಲ್ಲಾ ಮಾದರಿಯ ಕಾರುಗಳ ಬೆಲೆಯಲ್ಲೂ ಏರಿಕೆಯಾಗಲಿದೆ. ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಿ ಎಂದು ಹೇಳಿದರು.

(ಏಜನ್ಸೀಸ್‌)