ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಹರಿಹರದ ಗಡಿಗ್ರಾಮದಲ್ಲಿ 80 ಅಮೂಲ್ಯ ಹಸ್ತಪ್ರತಿ ಪತ್ತೆ
ಹರಿಹರ : ಸುಮಾರು 500 ವರ್ಷಗಳಿಗೂ ಹಿಂದಿನ 80ಕ್ಕೂ ಹೆಚ್ಚು ಅಮೂಲ್ಯ ಹಸ್ತಪ್ರತಿಗಳು, ತಾಲೂಕಿನ ಗಡಿಗ್ರಾಮವೊಂದರಲ್ಲಿ ದೊರೆತಿವೆ.
ಈ ಹಸ್ತಪ್ರತಿಗಳು ಕಾವ್ಯ, ವೈದ್ಯಕೀಯ ವಿಜ್ಞಾನ, ಗಣಿತಶಾಸ್ತ್ರ ಹಾಗೂ ಆಯುರ್ವೇದಕ್ಕೆ ಸಂಬಂಧಿಸಿವೆ. ತಿಮ್ಮನಕಟ್ಟೆ ಗ್ರಾಮದ ಹವ್ಯಾಸಿ ಜಾನಪದ ಸಂಶೋಧಕ ಎಚ್.ಜಿ.ದುಂಡ್ಯಪ್ಪ ಬಳಿ ಹಸ್ತಪ್ರತಿಗಳಿವೆ. ಅವರು ದಾವಣಗೆರೆಯಲ್ಲಿನ ವಿವಿಧ ಧರ್ಮದ ಮಠಗಳು ಹಾಗೂ ಮನೆಗಳಿಂದ ಹಸ್ತಪ್ರತಿಗಳ ಸಂಗ್ರಹಿಸಿದ್ದಾರೆ.
ಒಂದು ಹಸ್ತಪ್ರತಿಯಂತೂ ಸುಮಾರು 10ಅಡಿ ಉದ್ದವಿದ್ದು, ಆದಿಜಾಂಬವ ಎಂಬ ದಲಿತ ಸಮುದಾಯದ ಮೇಲೆ ಬೆಳಕು ಚೆಲ್ಲುತ್ತದೆ. ಕನಿಷ್ಠ ಆರು ಅಂಗುಲದಿಂದ ಹಿಡಿದು 400ಪುಟಗಳವರೆಗೆ ವಿವಿಧ ಆಕಾರ ಗಾತ್ರಗಳಲ್ಲಿರುವ ಹಸ್ತಪ್ರತಿಗಳನ್ನು ಸಂಗ್ರಹಿಸಿರುವುದಾಗಿ ದುಂಡ್ಯಪ್ಪ ಸುದ್ದಿಗಾರರಿಗೆ ತಿಳಿಸಿದ್ದಾರೆ.
(ಏಜನ್ಸೀಸ್)
Comments
Story first published: Wednesday, January 10, 2007, 5:30 [IST]