ಜನವರಿ 25ರಂದು ರಸ್ತೆಯಲ್ಲಿ ಲಾರಿಗಳು ಇರುವುದಿಲ್ಲ!!

ಬೆಂಗಳೂರು : ನವದೆಹಲಿ ಮೂಲದ ಅಖಿಲ ಭಾರತ ಸರಕು ಲಾರಿ ಮಾಲೀಕರ ಸಂಘದ ಕರೆಯನ್ವಯ, ಜನವರಿ 25ರಂದು ರಾಷ್ಟ್ರವ್ಯಾಪಿ ಲಾರಿ ಮುಷ್ಕರ ನಡೆಯಲಿದೆ.

ಕರ್ನಾಟಕ ಲಾರಿ ಮಾಲೀಕರ ಸಂಘದ ಅಧ್ಯಕ್ಷ ಬಿ.ಚನ್ನರೆಡ್ಡಿ ಬುಧವಾರ ಸುದ್ದಿಗಾರರಿಗೆ ಈ ವಿಚಾರ ತಿಳಿಸಿದ್ದಾರೆ. ಮೂರನೇ ವ್ಯಕ್ತಿಯ ವಿಮೆಯ ಪ್ರೀಮಿಯಂನ್ನು ಜನವರಿ 1ರಿಂದ ಸರ್ಕಾರ ಹೆಚ್ಚಳ ಮಾಡಿರುವುದನ್ನು ವಿರೋಧಿಸಿ ಮುಷ್ಕರ ನಡೆಸುತ್ತಿರುವುದಾಗಿ ಅವರು ಹೇಳಿದ್ದಾರೆ.

ಮೇ.1ರಿಂದ ವಾಣಿಜ್ಯ ವಾಹನಗಳಿಗೆ ವೇಗ ನಿಯಂತ್ರಣ ಅಳವಡಿಸುವ ರಾಜ್ಯ ಸರ್ಕಾರದ ಧೋರಣೆಯನ್ನು ಚನ್ನ ರೆಡ್ಡಿ ಈ ಸಂದರ್ಭದಲ್ಲಿ ವಿರೋಧಿಸಿದ್ದಾರೆ.

(ಯುಎನ್‌ಐ)