For Daily Alerts
ಸದ್ಯದಲ್ಲೇ ಮೊಬೈಲ್ನಲ್ಲಿ ನೆಚ್ಚಿನ ನ್ಯೂಸ್ ಪೇಪರ್ ಲಭ್ಯ!
ನವದೆಹಲಿ : ಹಾಡುಗಳು, ಸಿನಿಮಾಗಳು ಮತ್ತು ಆಟಗಳು ಮೊಬೈಲ್ನಲ್ಲಿ ಕಂಡು ಬೇಸತ್ತವರಿಗೆ, ದಿನಪತ್ರಿಕೆಯನ್ನು ನೀಡುವ ಪ್ರಯತ್ನಗಳು ಇದೀಗ ನಡೆದಿವೆ.
ಮೊಬೈಲ್ ಫೋನ್ಗಳಿಗೆ ಸೇವೆ ಒದಗಿಸುತ್ತಿರುವ ಸೆಲ್ನೆಕ್ಸ್ಟ್ ಸಲ್ಯೂಷನ್ಸ್ ಹೊಸ ತಂತ್ರಜ್ಞಾನವನ್ನು ರೂಪಿಸಿದ್ದು, ಈ ಪರಿಣಾಮ ಮೊಬೈಲ್ನಲ್ಲಿ ದಿನಪತ್ರಿಕೆಗಳನ್ನು ಓದಲು ಸಾಧ್ಯವಾಗುತ್ತದೆ. ಈ ಸೆಲ್ ಪೇಪರ್ ಜನಪ್ರಿಯವಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ಸೆಲ್ನೆಕ್ಸ್ಟ್ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅಜಯ್ ವೈಷ್ಣವಿ ಸುದ್ದಿಗಾರರಿಗೆ ತಿಳಿಸಿದ್ದಾರೆ.
ಇನ್ನೊಂದು ತಿಂಗಳಲ್ಲಿ ಈ ಸೇವೆ ಜಾರಿಗೆ ಬರಲಿದೆ. ಆರಂಭದಲ್ಲಿ ಇಂಗ್ಲಿಷ್ ಪತ್ರಿಕೆಗಳನ್ನು ಮಾತ್ರ ಓದಬಹುದು. ನಂತರದ ದಿನಗಳಲ್ಲಿ ಪ್ರಾದೇಶಿಕ ಭಾಷೆಗಳಲ್ಲೂ ಸೇವೆ ಲಭ್ಯ ಎಂದು ವೈಷ್ಣವಿ ಮಾಹಿತಿ ನೀಡಿದ್ದಾರೆ.
(ಏಜನ್ಸೀಸ್)
Story first published: Thursday, December 14, 2006, 23:53 [IST]