ಸೇಂಟ್‌ ಲೂಯಿಸ್‌ನಲ್ಲಿ ‘ಹಿಂಸೈ ಅರಸನ್‌ 23ನೇ ಪುಲಿಕೇಶಿ’

ಸೇಂಟ್‌ ಲೂಯಿಸ್‌ನಲ್ಲಿ ‘ಹಿಂಸೈ ಅರಸನ್‌ 23ನೇ ಪುಲಿಕೇಶಿ’
ಚಿತ್ರ ಪ್ರದರ್ಶನಕ್ಕೆ ತಮಿಳು ಸಂಘಗಳ ಉತ್ಸುಕತೆ, ಕನ್ನಡ ಪರ ಸಂಘಟನೆಗಳ ವಿರೋಧ

ಸೇಂಟ್‌ ಲೂಯಿಸ್‌ನಲ್ಲಿ ‘ಹಿಂಸೈ ಅರಸನ್‌ 23ನೇ ಪುಲಿಕೇಶಿ’ ಚಿತ್ರದ ಪ್ರದರ್ಶನಕ್ಕೆ ಸಿದ್ಧತೆ ನಡೆದಿದೆ. ಈ ಬೆನ್ನಲ್ಲಿ ಪ್ರದರ್ಶನವನ್ನು ಕರ್ನಾಟಕದಲ್ಲಿ ಮಾತ್ರವಲ್ಲ, ಎಲ್ಲೆಡೆಯೂ ರದ್ದು ಪಡಿಸಬೇಕು ಎಂದು ಕನ್ನಡ ಪರ ಸಂಘಟನೆಗಳು ಆಗ್ರಹಿಸಿವೆ.

ಕರ್ನಾಟಕಾದ್ಯಂತ ಪ್ರದರ್ಶನ ರದ್ದತಿ ಕಂಡ ಈ ವಿವಾದಿತ ತಮಿಳು ಚಲನಚಿತ್ರವನ್ನು, ಜುಲೈ 23ರಂದು ಸೇಂಟ್‌ ಲೂಯಿಸ್‌ನಲ್ಲಿ ಪ್ರದರ್ಶಿಸಲು ಮಿಸ್ಸೌರಿ ತಮಿಳು ಸಂಘಂ ಮುಂದಾಗಿದೆ.

ತಮಿಳು ಹಾಸ್ಯನಟ ವಡಿವೇಲು ಚಿತ್ರದ ನಾಯಕ. ಈ ಚಿತ್ರದಲ್ಲಿ ಕನ್ನಡದ ರಾಜ ‘ಪುಲಿಕೇಶಿ’ಯನ್ನು, ಹಾಗೂ ಕನ್ನಡದ ವೀರವನಿತೆ ಕಿತ್ತೂರ ರಾಣಿ ಚೆನ್ನಮ್ಮನ ಬಲಗೈ ಬಂಟ ವೀರ ‘ಸಂಗೊಳ್ಳಿ ರಾಯಣ್ಣ’ನನ್ನು ಅವಮಾನಿಸುವ ಮೂಲಕ ಕನ್ನಡ ಪರಂಪರೆಗೆ ಕೆಸರೆರಚಲಾಗಿದೆ ಎಂಬ ಕಾರಣದಿಂದ ಕರ್ನಾಟಕಾದ್ಯಂತ ಪ್ರತಿಭಟನೆ ವ್ಯಕ್ತವಾಗಿತ್ತು. ಆ ಹಿನ್ನೆಲೆಯಲ್ಲಿ ಕರ್ನಾಟಕಾದ್ಯಂತ ಚಿತ್ರ ಪ್ರದರ್ಶನ ರದ್ದುಗೊಳಿಸಲಾಗಿತ್ತು.

ವಿವಾದಿತ ಚಿತ್ರ ಪ್ರದರ್ಶನ ಸ್ಥಳ :

ವೇರೆನ್‌ಬರ್ಗ್‌, ಸೇಂಟ್‌ ಚಾರ್ಲ್ಸ್‌ 18 ಸಿನೆ,
1830 ಎಸ್‌, ಫಸ್ಟ್‌ ಕ್ಯಾಪಿಟಾಲ್‌ ಡಿಆರ್‌,
ಸೇಂಟ್‌ ಚಾರ್ಲ್ಸ್‌,
ಎಂಓ 63303

(ಏಜೆನ್ಸೀಸ್‌)

ಪೂರಕ ಓದಿಗೆ-
ತಮಿಳು ಸಿನಿಮಾ : ಪುಲಿಕೇಶಿ-ಸಂಗೊಳ್ಳಿರಾಯಣ್ಣನ ಮುಖಕ್ಕೆ ಮಸಿ
ನಮ್ಮ ಪುಲಿಕೇಶಿಗೆ ಮಸಿಬಳಿದ ತಮಿಳು ಚಿತ್ರಕ್ಕೆ ಗೇಟ್‌ಪಾಸ್‌

ಮುಖಪುಟ / ವಾರ್ತೆಗಳು