ಮಿಲ್ಲಿಗಾಗಿ ಕಾಳು : ಹರಿಹರದಲ್ಲಿ ಅಕ್ರಮ ಅಕ್ಕಿ ಜಾಲ!

ಮಿಲ್ಲಿಗಾಗಿ ಕಾಳು : ಹರಿಹರದಲ್ಲಿ ಅಕ್ರಮ ಅಕ್ಕಿ ಜಾಲ!
ದಾವಣಗೆರೆ ಪೊಲೀಸರ ಮಿಂಚಿನ ದಾಳಿ, 840 ಕ್ವಿಂಟಾಲ್‌ ಅಕ್ರಮ ಅಕ್ಕಿ ವಶ

ಬಡವರಿಗೆ ಸೇರಬೇಕಾದ ಅಕ್ಕಿ, ಖಾಸಗಿ ಮಿಲ್‌ಗಳ ಪಾಲಾಗುವ ಪ್ರಕ್ರಿಯೆ ಸಹಜವೆಂಬಂತೆ ನಡೆಯುತ್ತಿದೆ. ಈ ಮಧ್ಯೆ ದಾವಣಗೆರೆಯ ಪೊಲೀಸರು ಅಕ್ರಮ ಅಕ್ಕಿ ಮಾರಾಟ ಜಾಲವನ್ನು ಪತ್ತೆ ಹಚ್ಚಿದ್ದಾರೆ.

ಹರಿಹರದ ಸಾಮಿಲ್‌ ಒಂದಕ್ಕೆ ನುಗ್ಗಿದ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಸೋನಿಯಾ ನಾರಂಗ್‌ರ ತಂಡ, 6.5 ಲಕ್ಷ ರೂ. ಮೌಲ್ಯದ 840 ಕ್ವಿಂಟಾಲ್‌ ಅಕ್ಕಿಯನ್ನು ವಶಪಡಿಸಿಕೊಂಡಿದೆ. ಈ ಅಕ್ಕಿಯನ್ನು ಮಹಾರಾಷ್ಟ್ರಕ್ಕೆ ಕಳುಹಿಸಲು ಸಿದ್ಧತೆ ನಡೆದಿತ್ತು ಎನ್ನಲಾಗಿದೆ. ಇದು ರಾಜ್ಯದಲ್ಲಿ ಪತ್ತೆ ಆಗಿರುವ ಎರಡನೇ ದೊಡ್ಡ ಅಕ್ರಮ ಅಕ್ಕಿ ದಾಸ್ತಾನಿನ ಪ್ರಕರಣ.

ಸರ್ಕಾರದ ಜನಪರವಾದ ‘ಕೂಲಿಗಾಗಿ ಕಾಳು’ ಸೇರಿದಂತೆ ಇತರೆ ಯೋಜನೆಯ ಅಕ್ಕಿಯನ್ನು ಅಲ್ಲಿ ಸಂಗ್ರಹಿಸಲಾಗಿತ್ತು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಹಾಲಿ ನಗರಸಭೆ ಸದಸ್ಯ ಮತ್ತು ಕಾಂಗ್ರೆಸ್‌ ಮುಖಂಡ ಸೈಯದ್‌ ಖಲೀಲ್‌ ಮತ್ತು ಖುರ್ಷೀದ್‌ ಬೇಗ್‌ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

(ದಟ್ಸ್‌ ಕನ್ನಡ ವಾರ್ತೆ)

ಮುಖಪುಟ / ವಾರ್ತೆಗಳು