ನೆರವು ಕೇಂದ್ರ : ತೆರಿಗೆದಾರರ ಗೊಂದಲಗಳಿಗೆ ತೆರೆ

ನೆರವು ಕೇಂದ್ರ : ತೆರಿಗೆದಾರರ ಗೊಂದಲಗಳಿಗೆ ತೆರೆ
ಆದಾಯ ತೆರಿಗೆ ಪಾವತಿ ಈಗ ಸರಳ, ಇನ್ನಷ್ಟು ಸುಲಭ!

ಆದಾಯ ತೆರಿಗೆ ಪಾವತಿದಾರರಿಗೆ ಪೂರಕವಾಗುವಂತೆ, ನಗರದಲ್ಲಿ ಸಹಾಯ ಕೇಂದ್ರ ಆರಂಭಗೊಂಡಿದೆ. ರಾಜ್ಯಪಾಲ ಟಿ.ಎನ್‌.ಚತುರ್ವೇದಿ ಕೇಂದ್ರವನ್ನು ಉದ್ಘಾಟಿಸಿದರು.

ನಗರದ ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಮಹಾಸಂಘದ ಕಚೇರಿಯಲ್ಲಿ ಸಹಾಯ ಕೇಂದ್ರವನ್ನು ಆದಾಯ ತೆರಿಗೆ ಇಲಾಖೆ ಮತ್ತು ಎಫ್‌ಕೆಸಿಸಿಐ ಆರಂಭಿಸಿವೆ. ಈ ಕೇಂದ್ರದಲ್ಲಿ ತೆರಿಗೆದಾರರ ಸಂದೇಹ ಮತ್ತು ಗೊಂದಲಗಳಿಗೆ ಪರಿಹಾರ ನೀಡಲಾಗುತ್ತದೆ.

ಅರ್ಜಿ ಭರ್ತಿ, ತೆರಿಗೆ ಮೊತ್ತ ಲೆಕ್ಕಹಾಕುವುದು, ಚಲನ್‌ ತುಂಬುವುದು ಮತ್ತಿತರ ಸೌಲಭ್ಯ ಈ ಕೇಂದ್ರಗಳಲ್ಲಿ ಲಭ್ಯ. ರಾಜಧಾನಿಯಲ್ಲಿ ಮಾತ್ರವಲ್ಲದೇ ರಾಜ್ಯದ 15ಕಡೆ ಸಹಾಯ ಕೇಂದ್ರಗಳು ಕಾರ್ಯಾರಂಭಿಸಿವೆ. ಪ್ರತಿದಿನ ಮಧ್ಯಾಹ್ನ 2ರಿಂದ 6ಗಂಟೆಯ ತನಕ ಸೇವೆ ಲಭ್ಯ. ಈ ಕೇಂದ್ರಗಳು ಜೂನ್‌.15ರಿಂದ ಆಗಸ್ಟ್‌ 14ರವರೆಗೆ ಮತ್ತು ಮಾರ್ಚ್‌ 1ರಿಂದ 31ರವರೆಗೆ ಕಾರ್ಯ ನಿರ್ವಹಿಸಲಿವೆ.

(ದಟ್ಸ್‌ ಕನ್ನಡ ವಾರ್ತೆ)

ಮುಖಪುಟ / ವಾರ್ತೆಗಳು