ರಾಜ್ಯಸಭೆಗೆ ನಟಿ ಜಯಾ ಬಚ್ಚನ್‌ ಅವಿರೋಧ ಆಯ್ಕೆ

ರಾಜ್ಯಸಭೆಗೆ ನಟಿ ಜಯಾ ಬಚ್ಚನ್‌ ಅವಿರೋಧ ಆಯ್ಕೆ
ಲಾಭದಾಯಕ ಹುದ್ದೆ ವಿವಾದದಿಂದ ಕಂಗೆಟ್ಟಿದ್ದ ಜಯಾಗೆ, ಈಗ ಮತ್ತೆ ಅವಕಾಶ

ನಟಿ ಜಯಾ ಬಚ್ಚನ್‌(ಬಚ್ಚನ್‌ ಜಯಾ ಅಮಿತಾಬ್‌) ರಾಜ್ಯಸಭೆಗೆ ಗುರುವಾರ ಅವಿರೋಧವಾಗಿ ಆಯ್ಕೆಗೊಂಡಿದ್ದಾರೆ ಎಂದು ಚುನಾವಣಾಧಿಕಾರಿ ರಾಜೇಂದ್ರ ಪ್ರಸಾದ್‌ ಪಾಂಡೆ ಪ್ರಕಟಿಸಿದ್ದಾರೆ.

ಎರಡನೇ ಸಲ ರಾಜ್ಯಸಭೆಯನ್ನು ಜಯಾಬಚ್ಚನ್‌ ಪ್ರವೇಶಿಸಿದ್ದಾರೆ. ಈ ಹಿಂದೆ 2004ರಲ್ಲಿ ರಾಜ್ಯಸಭೆ ಪ್ರವೇಶಿದ್ದ ಅವರು, ಲಾಭದಾಯಕ ಹುದ್ದೆಯನ್ನು ಹೊಂದಿದ್ದಾರೆಂಬ ಆರೋಪಕ್ಕೆ ಸಿಲುಕಿ, ಇತ್ತೀಚೆಗೆ ತಮ್ಮ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ್ದರು.

ಸಮಾಜವಾದಿ ಪಕ್ಷದ ಇನ್ನೊಬ್ಬ ಮಾಜಿ ಸಂಸದ ಅಮೀರ್‌ ಅಲಂ ಖಾನ್‌ ಸಹಾ ರಾಜ್ಯಸಭೆಗೆ ಇಂದು ಆಯ್ಕೆಯಾಗಿದ್ದಾರೆ. ಅವರು ಈ ಹಿಂದೆ, ಉತ್ತರ ಪ್ರದೇಶದ ಕೈರಾಣ ಲೋಕಸಭಾ ಕ್ಷೇತ್ರದಿಂದ ಎರಡು ಸಲ ಚುನಾಯಿತರಾಗಿದ್ದರು.

(ಏಜನ್ಸೀಸ್‌)

ಮುಖಪುಟ / ವಾರ್ತೆಗಳು