ಹೌದಪ್ಪ ಹೌದು, ಪೆಪ್ಸಿ ಬಾಟಲಲ್ಲಿ ಕಾಂಡೊಮ್‌ ಇತ್ತು!

ಹೌದಪ್ಪ ಹೌದು, ಪೆಪ್ಸಿ ಬಾಟಲಲ್ಲಿ ಕಾಂಡೊಮ್‌ ಇತ್ತು!
ಗ್ರಾಹಕನಿಗೆ ಒಂದು ಲಕ್ಷ ಪರಿಹಾರ ನೀಡಲು ನ್ಯಾಯಾಲಯದ ತೀರ್ಪು

ತಂಪು ಪಾನೀಯದ ಬಾಟಲಿಗಳಲ್ಲಿ ಜಿರಲೆ, ಹಲ್ಲಿ... ಹೀಗೆ ಏನೇನೋ ಸಿಕ್ತಾ ಇದೆ ಅನ್ನೋ ಮಾತನ್ನು ಪತ್ರಿಕೆಗಳಲ್ಲಿ ಓದುತ್ತಿರುತ್ತೇವೆ. ಈಗ ಪೆಪ್ಸಿ ಬಾಟಲಿಯಲ್ಲಿ ಕಾಂಡೊಮ್‌ ಪತ್ತೆಯಾಗಿದೆ!

ಹೌದು, ಮೊಹರು ಮಾಡಿದ್ದ ಬಾಟಲಿಯಲ್ಲಿ ಕಾಂಡೊಮ್‌ ಕಂಡು ಬಂದಿರುವ ಹಿನ್ನೆಲೆಯಲ್ಲಿ, ಪೆಪ್ಸಿ ಕಂಪನಿ ಪೇಚಿಗೆ ಸಿಲುಕಿದೆ. ಈ ಬಾಟಲಿ ಖರೀದಿಸಿದ್ದ ಗ್ರಾಹಕನಿಗೆ ಒಂದು ಲಕ್ಷ ರೂ. ಪರಿಹಾರ ನೀಡಬೇಕಾದ ಅನಿವಾರ್ಯತೆ ಕಂಪನಿಗೆ ಬಂದಿದೆ.

ಹಿನ್ನೆಲೆ : 2003ರಲ್ಲಿ ದೆಹಲಿಯ ಕಾಶ್ಮೀರ್‌ ಗೇಟ್‌ ಬಳಿ, ಎರಡು ಬಾಟಲಿ ಪೆಪ್ಸಿಯನ್ನು ಸುದೇಶ್‌ ಶರ್ಮಾ ಖರೀದಿಸಿದ್ದರು. ಒಂದು ಬಾಟಲಿ ಪೆಪ್ಸಿ ಸೇವಿಸಿದ ಶರ್ಮಾ, ಅಸ್ವಸ್ಥರಾದರು. ಅನುಮಾನದಿಂದ ಮತ್ತೊಂದು ಬಾಟಲಿಯಲ್ಲಿದ್ದ ಪೆಪ್ಸಿಯನ್ನು ಪರಿಶೀಲಿಸಿದಾಗ, ಕಸ-ಕಡ್ಡಿಗಳ ನಡುವೆ ಕಾಂಡೊಮ್‌ ಇರುವುದು ಪತ್ತೆಯಾಗಿತ್ತು.

ಗ್ರಾಹಕ ನ್ಯಾಯಾಲಯದಲ್ಲಿ ದೂರು ದಾಖಲಿಸಿದ ಶರ್ಮಾ, ನ್ಯಾಯ ಕೋರಿದ್ದರು. ಪೆಪ್ಸಿ ಕಂಪನಿಗೆ ದಂಡ ವಿಧಿಸುವ ಮೂಲಕ, ನ್ಯಾಯಾಲಯ, ತಂಪು ಪಾನೀಯ ಕಂಪನಿಗಳ ಬೇಜವಾಬ್ದಾರಿಯನ್ನು ಎತ್ತಿ ಹಿಡಿದಿದೆ.

(ಏಜನ್ಸೀಸ್‌)

ಮುಖಪುಟ / ವಾಟ್ಸ್‌ ಹಾಟ್‌