ಅಸ್ಸಾಮ್‌ ಈಗ ಅಸೋಮ್‌ ಆಯಿತು, ಬೆಂಗಳೂರು?

ಅಸ್ಸಾಮ್‌ ಈಗ ಅಸೋಮ್‌ ಆಯಿತು, ಬೆಂಗಳೂರು?
ಚಂದ್ರಪ್ರಸಾದ್‌ ಸೈಕಿಯಾ ಸಲಹೆಯಂತೆ, 180 ವರ್ಷಗಳ ಅಸ್ಸಾಮ್‌ ನಾಮಕ್ಕೆ ಎಳ್ಳುನೀರು

ದೇಶಾದ್ಯಂತ ಹೆಸರು ಬದಲಾವಣೆ ಪ್ರಕ್ರಿಯೆ ಮುಂದುವರಿದಿದ್ದು, ಇನ್ನು ಮುಂದೆ ಅಸ್ಸಾಮ್‌ ರಾಜ್ಯ ಅಸೋಮ್‌ ಎಂದು ಕರೆಸಿಕೊಳ್ಳಲಿದೆ.

ಖ್ಯಾತ ಬರಹಗಾರ ಚಂದ್ರಪ್ರಸಾದ್‌ ಸೈಕಿಯಾ ರಾಜ್ಯ ಸರ್ಕಾರಕ್ಕೆ ಅಸ್ಸಾಮ್‌ನ ಹೆಸರು ಬದಲಿಸುವಂತೆ ನೀಡಿದ್ದ ಸಲಹೆಗೆ, ಸರ್ಕಾರ ಸಮ್ಮತಿಸಿದೆ. ವಿಧಾಸಭೆಯಲ್ಲಿ ಈ ಕುರಿತು ಚರ್ಚೆ ನಡೆಸಿದ ಸರ್ಕಾರ, ಅಸೋಮ್‌ ಪದವನ್ನು ಅಂಗೀಕರಿಸಿದೆ.

ಅಸ್ಸಾಮಿ ಭಾಷೆಯಲ್ಲಿ Asom ಎಂದರೆ, ಅಸಮ(ಬೆಸ) ಎಂದು ಅರ್ಥ. ಬ್ರಿಟಿಷರು ಇದನ್ನು ಸರಿಯಾಗಿ ಉಚ್ಚರಿಸಲಾಗದೆ Assam ಎಂದು ಕರೆಯುತ್ತಿದ್ದರು. ಅದನ್ನೇ ಕಳೆದ 180 ವರ್ಷಗಳಿಂದ ಮುಂದುವರೆಸಿಕೊಂಡು ಬರಲಾಗಿತ್ತು.

ಬೆಂಗಳೂರು ಕತೆ ಎಲ್ಲಿಗೆ...? : ಬಾಂಬೆ ಮುಂಬಯಿ ಆಯಿತು, ಮದ್ರಾಸ್‌ ಚೆನ್ನೈ ಆಯಿತು, ಕಲ್ಕತ್ತಾ ಕೋಲ್ಕತಾ ಆಯಿತು ಹಾಗೆ ಹಲವಾರು ಊರುಗಳು ತಮ್ಮ ಹೆಸರುಗಳನ್ನು ಬದಲಾಯಿಸಿಕೊಂಡವು. ಆದರೆ, ಬೆಂಗಳೂರಿಗೆ ಇನ್ನೂ ಆ ಭಾಗ್ಯ ಬಂದಿಲ್ಲ.

ಸಾಹಿತ್ಯವಲಯ ಬ್ಯಾಂಗಲೋರ್‌(Bangalore)ನ್ನು ಬೆಂಗಳೂರು(Bengalooru) ಎಂದು ಬದಲಾಯಿಸುವಂತೆ ಧರ್ಮಸಿಂಗ್‌ ಸರ್ಕಾರಕ್ಕೆ ಸೂಚಿಸಿತ್ತು. ಸರ್ಕಾರ ಬದಲಾಗಿದೆ. ಹೀಗಾಗಿ ಈ ವಿಚಾರ ಮೂಲಗೆ ಬಿದ್ದಿದೆ. ಅಸೋಮ್‌ ಸರ್ಕಾರದ ಕ್ರಮ, ಕರ್ನಾಟಕ ಸರ್ಕಾರಕ್ಕೂ ಸ್ಫೂರ್ತಿ ನೀಡೀತೇ...?

(ಏಜೆನ್ಸೀಸ್‌)

ಮುಖಪುಟ / ವಾರ್ತೆಗಳು