ಕಂದಹಾರ್‌ ಅಪಹರಣ : ಆರೋಪಿ ಮತ್ತೆ ಪೊಲೀಸ್‌ ವಶಕ್ಕೆ

ಕಂದಹಾರ್‌ ಅಪಹರಣ : ಆರೋಪಿ ಮತ್ತೆ ಪೊಲೀಸ್‌ ವಶಕ್ಕೆ
ಸುಳ್ಳು ಮಾಹಿತಿಯಿಂದ ಪಾಸ್‌ಪೋರ್ಟ್‌ ಪಡೆಯುವ ಯತ್ನ, ಬಲಿಗೆ ಬಿದ್ದ ಮೊಹಮ್ಮದ್‌ ಹಾಜಿ...

1999ರಲ್ಲಿ ಕಂದಹಾರ್‌ನಲ್ಲಿ ನಡೆದ ವಿಮಾನ ಅಪಹರಣ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಜಾಮೀನು ಮೇಲೆ ಬಿಡುಗಡೆಯಾಗಿದ್ದ ವ್ಯಕ್ತಿಯನ್ನು ಪೊಲೀಸರು ಮತ್ತೆ ಬಂಧಿಸಿದ್ದಾರೆ.

ಜಿಲ್ಲಾ ಪೊಲೀಸ್‌ ವರಿಷ್ಠ ಬಿ.ದಯಾನಂದ್‌ ಮಂಗಳವಾರ ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡುತ್ತ, ಕಂದಹಾರ್‌ ವಿಮಾನ ಅಪಹರಣ ಪ್ರಕರಣದಲ್ಲಿ ಪಾಂಡೇಶ್ವರ ಪೊಲೀಸರು ಮೊಹಮ್ಮದ್‌ ಹಾಜಿ ಅಲಿಯಾಸ್‌ ಮೊಹಮ್ಮದ್‌ ಕಾಕರ್‌ನನ್ನು ಸೋಮವಾರ ಪುನಃ ಬಂಧಿಸಿದ್ದಾರೆ ಎಂದರು.

ಅಪಹರಣಕಾರರಿಗೆ ನಕಲಿ ಪಾಸ್‌ಪೋರ್ಟ್‌ ಒದಗಿಸಿದ ಆರೋಪದ ಮೇಲೆ ಈ ವ್ಯಕ್ತಿಯನ್ನು ಈ ಮೊದಲು ಬಂಧಿಸಲಾಗಿತ್ತು. ಆನಂತರ ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿತ್ತು. ಈತ ಹೊಸ ಪಾಸ್‌ಪೋರ್ಟ್‌ ಪಡೆಯುವಾಗ ಮಾಹಿತಿಯನ್ನು ಮುಚ್ಚಿಹಾಕುವ ಯತ್ನ ಮಾಡಿರುವುದು ಪತ್ತೆಯಾಗಿದೆ. ಆದ್ದರಿಂದ ಪಾಂಡೇಶ್ವರ ಪೊಲೀಸರು ವಿಚಾರಣೆ ಕೈಗೆತ್ತಿಕೊಂಡಿದ್ದಾರೆ ಎಂದು ದಯಾನಂದ್‌ ತಿಳಿಸಿದರು.

(ಪಿಟಿಐ)

ಮುಖಪುಟ / ವಾರ್ತೆಗಳು