ನಗರದಲ್ಲಿ ತಲೆಬುರುಡೆ ಮತ್ತು ಮೂಳೆಗಳ ಮಾರಾಟ ಜಾಲ

ನಗರದಲ್ಲಿ ತಲೆಬುರುಡೆ ಮತ್ತು ಮೂಳೆಗಳ ಮಾರಾಟ ಜಾಲ
ಇಡೀ ದೇಹಕ್ಕೆ ರೂ.3000, ತಲೆಬುರುಡೆಗೆ ರೂ.500, ಕಾಲಿನ ಮೂಳೆಗೆ 600ರೂ.!!!

ಸತ್ತ ಮನುಷ್ಯನ ತಲೆಬುರುಡೆ ಮತ್ತು ಮೂಳೆಗಳನ್ನು ಮಾರಾಟ ಮಾಡುತ್ತಿದ್ದ ಜಾಲವನ್ನು ನಗರದ ಪೊಲೀಸರು ಪತ್ತೆಹಚ್ಚಿದ್ದಾರೆ

ಈ ಸಂಬಂಧ ಬನಶಂಕರಿ ಮತ್ತು ಶ್ರೀರಾಮಪುರ ಪೊಲೀಸ್‌ ಠಾಣೆಯಲ್ಲಿ ಎರಡು ಪ್ರಕರಣಗಳು ದಾಖಲಾಗಿವೆ. ಸ್ಮಶಾನದಲ್ಲಿ ವಾಸಿಸುವ ಗುಂಪೊಂದನ್ನು ಪೊಲೀಸರು ಬಂಧಿಸಿದ್ದು, ಅವರಿಂದ ಮಾನವ ದೇಹದ ಅವಶೇಷಗಳನ್ನು ವಶಪಡಿಸಿಕೊಂಡಿದ್ದಾರೆ.

ಸಮಾಧಿಯಿಂದ ಶವಗಳನ್ನು ಹೊರತೆಗೆದು, ಮೂಳೆ ಮತ್ತು ತಲೆಬುರುಡೆಗಳನ್ನು ಈ ಗುಂಪು ಮಾರಾಟ ಮಾಡುತ್ತಿತ್ತು. ವೈದ್ಯಕೀಯ ವಿದ್ಯಾರ್ಥಿಗಳಿಂದ ಮತ್ತು ವಾಮಾಚಾರ ಮಾಡುವ ಮಂತ್ರವಾದಿಗಳಿಂದ ಈ ಅವಶೇಷಗಳಿಗೆ ಹೆಚ್ಚಿನ ಬೇಡಿಕೆ ಇತ್ತು ಎಂಬ ಅಂಶ ಪತ್ತೆಯಾಗಿದೆ.

ದರ ಸೂಚಿ : ತಲೆಬುರುಡೆಯನ್ನು 500ರೂ.ಗಳಿಗೆ, ಕೈ ಮೂಳೆಯನ್ನು 200ರೂ.ಗಳಿಗೆ, ಕಾಲಿನ ಮೂಳೆಯನ್ನು 600ರೂ.ಗಳಿಗೆ ಈ ತಂಡ ಮಾರಾಟ ಮಾಡುತ್ತಿತ್ತು. 3000ಸಾವಿರ ಕೊಟ್ಟರೇ ಸಂಪೂರ್ಣ ಶವವನ್ನು ಈ ತಂಡ ನೀಡುತ್ತಿದ್ದ ಅಂಶ ಬೆಳಕಿಗೆ ಬಂದಿದೆ.

(ಇನ್ಫೋ ವಾರ್ತೆ)

ಮುಖಪುಟ / ಬೆಂಗಳೂರು ಡೈರಿ