ಫೆ.13ರಿಂದ ಬೆಂಗಳೂರಿನಲ್ಲಿ ಡಬ್ಲ್ಯೂಟಿಒ ಟೆನಿಸ್‌ ಟೂರ್ನಿ

ಫೆ.13ರಿಂದ ಬೆಂಗಳೂರಿನಲ್ಲಿ ಡಬ್ಲ್ಯೂಟಿಒ ಟೆನಿಸ್‌ ಟೂರ್ನಿ
ಡಬ್ಲ್ಯೂಟಿಎ ಟೆನಿಸ್‌ ಟೂರ್ನಿ ಹೈದರಾಬಾದ್‌ನಿಂದ ಬೆಂಗಳೂರಿಗೆ ವರ್ಗಾವಣೆ, ಪಂದ್ಯಾವಳಿಗೆ ತಾರಾ ಮೆರುಗು...

ಮೊಟ್ಟಮೊದಲ ಬಾರಿಗೆ ರಾಜ್ಯಕ್ಕೆ ಡಬ್ಲ್ಯೂಟಿಎ ಟೆನಿಸ್‌ ಪಂದ್ಯಾವಳಿ ನಡೆಸಿಕೊಡುವ ಅವಕಾಶ ದೊರೆತಿದೆ. 2006ನೇ ಸಾಲಿನ ಫೆಬ್ರವರಿ 13ರಿಂದ 19ರವರೆಗೆ ಪಂದ್ಯಾವಳಿ ನಡೆಯಲಿದೆ.

ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮುಖ್ಯಮಂತ್ರಿ ಎನ್‌. ಧರ್ಮಸಿಂಗ್‌ ಈ ವಿಷಯವನ್ನು ಸ್ಪಷ್ಟಪಡಿಸಿದ್ದಾರೆ.

ಟೆನಿಸ್‌ ತಾರೆ ಮಹೇಶ್‌ ಭೂಪತಿ ಈ ಸಂದರ್ಭದಲ್ಲಿ ಮಾತನಾಡಿ, ದೇಶದ ವಿವಿಧ ನಗರಗಳಲ್ಲೂ ಟೆನಿಸ್‌ ಆಸಕ್ತಿ ಬೆಳೆಸುವ ಉದ್ದೇಶದಿಂದ ಹೈದರಾಬಾದ್‌ನಿಂದ ನಗರಕ್ಕೆ ವರ್ಗಾಯಿಸಲಾಗಿದೆ ಎಂದರು.

ಕಳೆದ ವರ್ಷ ಹೈದರಾಬಾದ್‌ನಲ್ಲಿ ನಡೆದ ಪಂದ್ಯಾವಳಿ ಸಾನಿಯಾ ಮಿರ್ಜಾಗೆ ಪ್ರಚಂಡ ಯಶಸ್ಸು ನೀಡಿತ್ತು. ಈ ವರ್ಷವೂ ಪಂದ್ಯಾವಳಿಗೆ ತಾರಾಮೆರುಗು ಸಿಕ್ಕಲಿದೆ. ಸಾನಿಯಾ ಮಿರ್ಜಾ, ಶಿಖಾ ಓಬೇರಾಯ್‌, ನೇಹಾ ಓಬೇರಾಯ್‌, ಸುನೀತಾರಾವ್‌ ಮೊದಲಾದವರು ಪಂದ್ಯಾವಳಿಯಲ್ಲಿ ಭಾಗವಹಿಸಲಿದ್ದಾರೆ ಎಂದರು.

ಪಂದ್ಯಾವಳಿಯ ಒಟ್ಟು ಬಹುಮಾನದ ಮೊತ್ತ 1ಲಕ್ಷ 75ಸಾವಿರ ಅಮೆರಿಕನ್‌ ಡಾಲರ್‌.

(ಪಿಟಿಐ)

ಮುಖಪುಟ / ವಾರ್ತೆಗಳು