‘ಸಾಂಗೀತ್ಯಆಸ್ಥಾನ ಸಂಸ್ಥೆ’ಗೀಗ 2ನೇ ವರ್ಷದ ಸಂಭ್ರಮ

‘ಸಾಂಗೀತ್ಯಆಸ್ಥಾನ ಸಂಸ್ಥೆ’ಗೀಗ 2ನೇ ವರ್ಷದ ಸಂಭ್ರಮ
ನವೆಂಬರ್‌ 22ರಂದು ಆಯ್ಕೆ ಪಟ್ಟಿ ಪ್ರಕಟ- ಶ್ಯಾಮಲಾ ಭಾವೆ

ಸಾಂಗೀತ್ಯ ಆಸ್ಥಾನ ಸಂಸ್ಥೆ ತನ್ನ 2ನೇ ವರ್ಷಕ್ಕೆ ಕಾಲಿಡುತ್ತಿದೆ, ಈ ನಿಮಿತ್ತ ಅದು ‘ಸಾಂಗೀತ್ಯ ಪುರಸ್ಕಾರ’ ವನ್ನು ನೀಡಲಿದೆ.

ಸಂಸ್ಥೆಯ ಟ್ರಸ್ಟಿ ಹಾಗೂ ಖ್ಯಾತ ಸಂಗೀತ ವಿದುಷಿ ಶ್ಯಾಮಲಾ ಜಿ.ಭಾವೆ, ಮಂಗಳವಾರ ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿ,ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಮೂವರು ವ್ಯಕ್ತಿಗಳಿಗೆ ಪ್ರಶಸ್ತಿ ನೀಡಲಾಗುವುದು. ನವೆಂಬರ್‌ 22ರಂದು ಪ್ರಶಸ್ತಿಗೆ ಆಯ್ಕೆಯಾದವರ ಹೆಸರುಗಳನ್ನು ಪ್ರಕಟಿಸಲಿದೆ ಮತ್ತು ನವೆಂಬರ್‌ 27ರಂದು ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ತಿಳಿಸಿದರು.

ಕಾಲೇಜು ವಿದ್ಯಾರ್ಥಿಗಳಲ್ಲಿ ಭಾರತೀಯ ಸಂಸ್ಕೃತಿ ಮತ್ತು ಸಂಗೀತದ ಬಗ್ಗೆ ಅಭಿರುಚಿ ಬೆಳೆಸುವ ಉದ್ದೇಶದಿಂದ ಸಂಗೀತ-ಗಾಯನ, ವಾದ್ಯಸಂಗೀತ ಹಾಗೂ ನೃತ್ಯ ಕ್ಷೇತ್ರದಲ್ಲಿ ಗಣನೀಯ ಸೇವೆ ಸಲ್ಲಿಸಿರುವ ಮೂವರಿಗೆ ಈ ಪುರಸ್ಕಾರ ನೀಡಲಾಗುವುದು.

ಯವನಿಕಾ ಸಭಾಂಗಣದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದ್ದು, ಪ್ರಾಥಮಿಕ ಮತ್ತು ಪ್ರೌಢಶಿಕ್ಷಣ ಸಚಿವ ರಾಮಲಿಂಗಾರೆಡ್ಡಿ, ಖ್ಯಾತ ಸಂಗೀತಜ್ಞ ಡಾ. ರಾ.ಸತ್ಯನಾರಾಯಣ ಹಾಗೂ ಅಭಿನಯ ಶಾರದೆ ಜಯಂತಿ ಅತಿಥಿಗಳಾಗಿ ಆಗಮಿಸಲಿದ್ದಾರೆ ಎಂದು ವಿವರಿಸಿದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು