ಅಪಘಾತದಲ್ಲಿ ಒಂದೇ ಕುಟುಂಬದ 13ಮಂದಿ ಭಸ್ಮ

ಅಪಘಾತದಲ್ಲಿ ಒಂದೇ ಕುಟುಂಬದ 13ಮಂದಿ ಭಸ್ಮ
ಒಂದೇ ಕುಟುಂಬದ 13ಮಂದಿ ಭಸ್ಮ, ಮಧುಚಂದ್ರಕ್ಕೂ ಮೊದಲೇ ಮಸಣ ಸೇರಿದ ದಂಪತಿಗಳು...

ಲಾರಿಯಾಂದು ಟಾಟಾ ಸುಮೋವೊಂದಕ್ಕೆ ಡಿಕ್ಕಿಹೊಡೆದ ಪರಿಣಾಮ, ಬೆಂಕಿ ತಾಕಿ ಒಂದೇ ಕುಟುಂಬದ 13ಮಂದಿ ಸಜೀವವಾಗಿ ದಹನಗೊಂಡಿರುವ ಘಟನೆ ಸಂಭವಿಸಿದೆ.

ಮಂಗಳವಾರ ಬೆಳಗಿನ ಜಾವ ಈ ದುರಂತ ಸಂಭವಿಸಿದ್ದು, ದಾವಣಗೆರೆಗೆ ಹತ್ತು ಕಿ.ಮೀ.ದೂರದಲ್ಲಿರುವ ಕೊಗ್ಗನೂರು ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಮೃತರು ಕಾರವಾರದಿಂದ ಮದುವೆ ಮುಗಿಸಿಕೊಂಡು ವಾಪಸು ಬರುತ್ತಿದ್ದರೆಂದು ಪೋಲಿಸ್‌ ಮೂಲಗಳು ತಿಳಿಸಿವೆ.

ಈ ದುರಂತದಲ್ಲಿ ನೂತನ ದಂಪತಿಗಳು ಮತ್ತು ನಾಲ್ಕು ಮಕ್ಕಳು ಗುರುತಿಸಲಾಗದಷ್ಟು ಬೆಂದು ಹೋಗಿದ್ದಾರೆ ಎಂದು ಪೋಲಿಸರು ತಿಳಿಸಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು