ನ.10ರಂದು ನಗರದಲ್ಲಿ ರಾ.ಶಿ. ಜನ್ಮಶತಮಾನೋತ್ಸವ

ನ.10ರಂದು ನಗರದಲ್ಲಿ ರಾ.ಶಿ. ಜನ್ಮಶತಮಾನೋತ್ಸವ
ರವೀಂದ್ರ ಕಲಾಕ್ಷೇತ್ರದಲ್ಲಿ ಆರ್‌.ಕೆ.ಲಕ್ಷ್ಣಣ್‌ ಅವರ ವ್ಯಂಗ್ಯ ಚಿತ್ರಪ್ರದರ್ಶನ

ಹೆಸರಾಂತ ಹಾಸ್ಯ ಸಾಹಿತಿ ರಾ.ಶಿ. ಅವರ ಜನ್ಮಶತಮಾನೋತ್ಸವ ಸಮಾರಂಭವನ್ನು ನ.10ರಂದು ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಆಯೋಜಿಸಲಾಗಿದೆ.

ಕರ್ನಾಟಕ ಸಾಹಿತ್ಯ ಅಕಾಡೆಮಿ, ಕೊರವಂಜಿ ಅಪರಂಜಿ ಟ್ರಸ್ಟ್‌ ಮತ್ತು ಹಾಸ್ಯ ಬ್ರಹ್ಮ ಟ್ರಸ್ಟ್‌ ಸಂಯುಕ್ತವಾಗಿ ಆಯೋಜಿಸಿರುವ ಈ ಸಮಾರಂಭವನ್ನು ನಟ ಮಾಸ್ಟರ್‌ ಹಿರಣ್ಣಯ್ಯ ಉದ್ಘಾಟಿಸುವರು.

ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಹಾಸ್ಯ ಸಾಹಿತಿ ಬೇಲೂರು ರಾಮಮೂರ್ತಿ, ಸಮಾರಂಭದಲ್ಲಿ ‘ರಾಶಿ ರಾಶಿ ನೆನಪು’ ಎಂಬ ಪುಸ್ತಕ ಮತ್ತು ‘ಅಪರಂಜಿ ವಿಶೇಷಾಂಕ’ ಬಿಡುಗಡೆಗೊಳ್ಳುತ್ತಿದೆ ಎಂದರು.

ರಾ.ಶಿವರಾಂ ಅವರ ‘ಕೊರವಂಜಿ ’ ಹಾಸ್ಯ ಪತ್ರಿಕೆಯಿಂದ ವೃತ್ತಿ ಬದುಕು ಆರಂಭಿಸಿದ ಆರ್‌.ಕೆ.ಲಕ್ಷಣ್‌, ಪ್ರಸ್ತುತ ಪ್ರಖ್ಯಾತ ವ್ಯಂಗ್ಯಚಿತ್ರಕಾರರಾಗಿದ್ದಾರೆ. ಅವರ ಚಿತ್ರಗಳ ಪ್ರದರ್ಶನವನ್ನು ಈ ಸಂದರ್ಭದಲ್ಲಿ ಏರ್ಪಡಿಸುವುದಾಗಿ ಹೇಳಿದರು.

ಕೊರವಂಜಿ ಅಪರಂಜಿ ಟ್ರಸ್ಟ್‌ನ ಟ್ರಸ್ಟಿ ಕೃಷ್ಣ ಸುಬ್ಬರಾವ್‌, ಅಪರಂಜಿ ಪತ್ರಿಕೆ ಸಂಪಾದಕ ಎಂ.ಶಿವಕುಮಾರ್‌ ಈ ಸಂದರ್ಭದಲ್ಲಿ ಹಾಜರಿದ್ದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು