ಅಂತರ್ಜಾಲದಲ್ಲಿ ಆಪ್ತ ನುಡಿ : ‘ವಾಯ್ಸ್‌ ಇ-ಮೇಲ್‌’ ರೆಡಿ

ಅಂತರ್ಜಾಲದಲ್ಲಿ ಆಪ್ತ ನುಡಿ : ‘ವಾಯ್ಸ್‌ ಇ-ಮೇಲ್‌’ ರೆಡಿ
ವಿಶ್ವದ ಮೊದಲ ವಾಯ್ಸ್‌ ಇ-ಮೇಲ್‌ ; ಇದು ಭಾರತದ ಹೆಗ್ಗಳಿಕೆ

ನಗರದ ನೌಪಾಸ್‌(ನೌ ಪಾಸಿಬಲ್‌) ಆನ್‌ಲೈನ್‌ ಸರ್ವೀಸಸ್‌ ಸಂಸ್ಥೆಯು ಜಗತ್ತಿನ ಮೊಟ್ಟಮೊದಲ ವಾಯ್ಸ್‌ ಇ-ಮೇಲ್‌(ಧ್ವನಿ ಅಂಚೆ) ಅಭಿವೃದ್ಧಿಪಡಿಸಿದೆ.

ಸುದ್ದಿಗಾರರೊಂದಿಗೆ ಈ ಬಗ್ಗೆ ಶನಿವಾರ ಮಾತನಾಡುತ್ತಿದ್ದ ಸಂಸ್ಥೆಯ ಮುಖ್ಯಸ್ಥ ಅಯ್ಯಪ್ಪ ನಾಗು, ಮುಂದಿನ ಮೂರು ವಾರಗಳ ಒಳಗೆ ಈ ಸೇವೆ ಆರಂಭವಾಗಲಿದೆ ಎಂದರು.

ಈ ತಂತ್ರಜ್ಞಾನ ಅಭಿವೃದ್ಧಿಪಡಿಸಲು ಒಟ್ಟು ಒಂಭತ್ತು ತಿಂಗಳು ಹಿಡಿದವು. ಇದರ ಮೂಲಕ ಬಳಕೆದಾರರು ಧ್ವನಿ ಮುದ್ರಿಸಿ, ಅಂಚೆ ಸಂದೇಶ ಕಳುಹಿಸಬಹುದು. ಇದು ಉಚಿತ ಸೇವೆಯಾಗಿದೆ. ಅಂಚೆ ಕಳುಹಿಸುವವರು ನೌಪಾಸ್‌ನೊಂದಿಗೆ ನೋಂದಣಿ ಮಾಡಿಕೊಳ್ಳಬೇಕು. ಅಂಚೆ ಸ್ವೀಕರಿಸುವವರಿಗೆ ನೋಂದಣಿಯ ಅಗತ್ಯವಿಲ್ಲ ಎಂದು ವಿವರಿಸಿದರು.

ನೌಪಾಸ್‌ ಸಂಸ್ಥೆಯು, ಟ್ರ್ಯೂಲಿ ಇಂಟಲಿಜೆಂಟ್‌ ಟೆಕ್ನಾಲಜೀಸ್‌ ಪ್ರೆೃವೇಟ್‌ ಲಿಮಿಟೆಡ್‌ನ ಉಪಸಂಸ್ಥೆಯಾಗಿದೆ.

(ಏಜನ್ಸೀಸ್‌)

ಮುಖಪುಟ / ಐಟಿ - ಬಿಟಿ