ಮಹಾನಗರದಲ್ಲಿ ಮಹಾಮಳೆಗೆ 70ಕೋಟಿ ರೂ. ನಷ್ಟ

ಮಹಾನಗರದಲ್ಲಿ ಮಹಾಮಳೆಗೆ 70ಕೋಟಿ ರೂ. ನಷ್ಟ
ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಮಳೆಗೆ 3,500ಮನೆ ಕುಸಿತ

ಅಕ್ಟೋಬರ್‌ ತಿಂಗಳ ಮಹಾಮಳೆಯಿಂದ ನಗರದಲ್ಲಿ ಈವರೆಗೆ 70ಕೋಟಿ ರೂ. ಆಸ್ತಿಪಾಸ್ತಿಗಳ ನಷ್ಟ ಸಂಭವಿಸಿದೆ ಎಂದು ಬೆಂಗಳೂರು ಮಹಾನಗರ ಪಾಲಿಕೆ ಅಂದಾಜು ಮಾಡಿದೆ.

ಸಂತ್ರಸ್ತ ಪ್ರದೇಶಗಳಲ್ಲಿನ ಹತ್ತು ಸಾವಿರ ಮಂದಿಗೆ ಇಸ್ಕಾನ್‌ ಮತ್ತು ಬೆಂಗಳೂರು ಮಹಾನಗರ ಪಾಲಿಕೆ ಪ್ರತಿದಿನ ಊಟವನ್ನು ಒದಗಿಸುತ್ತಿದೆ. ಬುಧವಾರ ಮಳೆ ನಿಂತಿದ್ದರೂ, ನಗರದ ವಿವಿಧ ಭಾಗಗಳಲ್ಲಿ ಮೂವರು ಮಳೆ ನೀರಿಗೆ ಬಲಿಯಾಗಿದ್ದಾರೆ.

ಬೆಂಗಳೂರು ನಗರ ಜಿಲ್ಲೆಯಲ್ಲಿ 8,802 ಮನೆಗಳಿಗೆ ನೀರು ನುಗ್ಗಿದೆ. ಅದರಲ್ಲಿ 374ಮನೆಗಳು ಕುಸಿದಿವೆ. ಸುಮಾರು 2,122ಮಂದಿ ಸಂತ್ರಸ್ತರಾಗಿದ್ದಾರೆ. ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ 3,500ಮನೆಗಳು ಕುಸಿದಿವೆ. ಅಲ್ಲದೇ ಈ ಜಿಲ್ಲೆಯಲ್ಲಿ ಸುಮಾರು 30ಕೋಟಿ ರೂ. ಅಂದಾಜಿನ ಕೃಷಿ ಉತ್ಪನ್ನಗಳು ನಷ್ಟಗೊಂಡಿವೆ.

(ಇನ್ಫೋ ವಾರ್ತೆ)

ಮುಖಪುಟ / ಬೆಂಗಳೂರು ಡೈರಿ