ಆಟೋ ಚಾಲಕರ ಜಾತಕ ಪ್ರಯಾಣಿಕರ ಕೈಯಲ್ಲಿ...

ಆಟೋ ಚಾಲಕರ ಜಾತಕ ಪ್ರಯಾಣಿಕರ ಕೈಯಲ್ಲಿ...
ಲೈಸನ್ಸ್‌ ಡಿಸ್‌ಪ್ಲೇ ಸಿಸ್ಟಮ್‌ಗೆ ವಿಜಯಕುಮಾರ್‌ ಚಾಲನೆ

ನಗರ ವ್ಯಾಪ್ತಿಯ ಆಟೋಗಳಲ್ಲಿ ನೀವಿನ್ನು ನಿರಾತಂಕವಾಗಿ ಪ್ರಯಾಣ ಮಾಡಬಹುದು. ಆಟೋ ಚಾಲಕರ ಸಂಘ ಮತ್ತು ಪೊಲೀಸರು ಇಂತಹ ವಿನೂತನ ವ್ಯವಸ್ಥೆಗೆ ಚಾಲನೆ ನೀಡಿದ್ದಾರೆ.

ಆಟೋ ನೋಂದಣಿಯ ವಿವರ, ಚಾಲಕನ ಹೆಸರು, ವಿಳಾಸ, ದೂರವಾಣಿ ಸಂಖ್ಯೆ ಮತ್ತಿತರ ವಿವರಗಳು ಪ್ರಯಾಣಿಕರಿಗೆ ಗೋಚರಿಸುವಂತೆ ಪ್ರದರ್ಶನಗೊಳ್ಳಲಿವೆ. ಈ ವ್ಯವಸ್ಥೆಯಿಂದ ಆಟೋ ಚಾಲಕರ ಕಿರಿಕಿರಿ, ಅಸಭ್ಯ ವರ್ತನೆಯ ಬಗೆಗೆ ದೂರಲು ಪ್ರಯಾಣಿಕರಿಗೆ ಅವಕಾಶವಾಗಲಿದೆ.

ಆದರ್ಶ ಆಟೋ ಹಾಗೂ ಟ್ಯಾಕ್ಸಿ ಚಾಲಕರ ಸಂಘ ನಗರದ ಯವನಿಕಾದಲ್ಲಿ ಏರ್ಪಡಿಸಿದ್ದ ಸಮಾರಂಭದಲ್ಲಿ ಈ ಡ್ರೆೃವಿಂಗ್‌ ಲೈಸನ್ಸ್‌ ಡಿಸ್‌ಪ್ಲೇ ಸಿಸ್ಟಮ್‌ನ್ನು ಪೊಲೀಸ್‌ ಆಯುಕ್ತ ಡಾ.ವಿಜಯಕುಮಾರ್‌ ಉದ್ಘಾಟಿಸಿದರು.

ಸಮಾರಂಭದಲ್ಲಿ ಡಿಸಿಪಿ ಎಂ.ಎ.ಸಲೀಂ, ಸಂಚಾರ ವಿಭಾಗದ ಡಿಸಿಪಿ ಬಸವರಾಜು ಮಾಲಗತ್ತಿ, ಆದರ್ಶ ಸಂಘದ ಅಧ್ಯಕ್ಷ ಎಂ.ಮಂಜುನಾಥ್‌ ಹಾಜರಿದ್ದರು.

(ಇನ್ಫೋ ವಾರ್ತೆ)

ಮುಖಪುಟ / ಬೆಂಗಳೂರು ಡೈರಿ