ಭ್ರಷ್ಟಚಾರದಲ್ಲಿ ‘ಧರ್ಮ’ ರಾಜ್ಯಕ್ಕೆ ನಾಲ್ಕನೇ ಸ್ಥಾನ!

By Staff

| Published: Friday, July 1, 2005, 23:53 [IST]

ಭ್ರಷ್ಟಚಾರದಲ್ಲಿ ‘ಧರ್ಮ’ ರಾಜ್ಯಕ್ಕೆ ನಾಲ್ಕನೇ ಸ್ಥಾನ!
ಭ್ರಷ್ಟಾಚಾರ ಮುಕ್ತ ರಾಜ್ಯಗಳಲ್ಲಿ ಕೇರಳ, ಹಿಮಾಚಲ ಪ್ರದೇಶ, ಗುಜರಾಜ್‌ಗೆ ಅಗ್ರಸ್ಥಾನ

ನವದೆಹಲಿ : ಸೆಂಟರ್‌ ಫಾರ್‌ ಮೀಡಿಯಾ ಸ್ಟಡೀಸ್‌ ನಡೆಸಿದ ‘ಭಾರತ ಭ್ರಷ್ಟಾಚಾರ ಅಧ್ಯಯನ-2005’ರ ವರದಿಯ ಪ್ರಕಾರ, ಭ್ರಷ್ಟಾಚಾರದ ಪಟ್ಟಿಯಲ್ಲಿ ರಾಜ್ಯಕ್ಕೆ ನಾಲ್ಕನೇ ರ್ಯಾಂಕ್‌ ದೊರೆತಿದೆ!

ವರದಿಯ ಪ್ರಮುಖ ಅಂಶಗಳು :

ಭ್ರಷ್ಟ ರಾಜ್ಯಗಳಲ್ಲಿ ನಂಬರ್‌ ಒನ್‌ ಸ್ಥಾನ ಬಿಹಾರಕ್ಕೆ ಲಭ್ಯವಾಗಿದ್ದು, ಜಮ್ಮು-ಕಾಶ್ಮೀರ ಮತ್ತು ಮಧ್ಯಪ್ರದೇಶ ಎರಡು ಮತ್ತು ಮೂರನೇ ರ್ಯಾಂಕ್‌ ಪಡೆದಿವೆ.

ಭ್ರಷ್ಟಾಚಾರ ಮುಕ್ತ ರಾಜ್ಯಗಳ ಪಟ್ಟಿಯಲ್ಲಿ ಕೇರಳಕ್ಕೆ ಅಗ್ರಸ್ಥಾನ. ಹಿಮಾಚಲ ಪ್ರದೇಶ, ಗುಜರಾಜ್‌ ಮತ್ತು ಆಂಧ್ರ ರಾಜ್ಯಗಳು ಕ್ರಮವಾಗಿ ಎರಡು, ಮೂರು ಮತ್ತು ನಾಲ್ಕನೇ ಸ್ಥಾನದಲ್ಲಿವೆ.

ದೇಶದಲ್ಲಿನ ಸರ್ಕಾರಿ ಆಸ್ಪತ್ರೆಗಳಲ್ಲಿ ಮೂರು ಕೋಟಿ ಮಂದಿ, ಪೊಲೀಸ್‌ ಇಲಾಖೆಗಳಲ್ಲಿ 2.5ಕೋಟಿ, ವಿದ್ಯುತ್‌ ಇಲಾಖೆಯಲ್ಲಿ 2.1ಕೋಟಿ, ಪಡಿತರ ವಿತರಣಾ ಕೇಂದ್ರಗಳಲ್ಲಿ 1.5 ಕೋಟಿ ಕುಟುಂಬಗಳು ಲಂಚ ನೀಡಿರುವುದು ಅಧ್ಯಯನದಿಂದ ಹೊರಬಿದ್ದಿದೆ.

(ಏಜನ್ಸೀಸ್‌)

ಮುಖಪುಟ / ವಾರ್ತೆಗಳು