ಒಲಿಂಪಿಕ್‌ ದಿನಾಚರಣೆ ನಿಮಿತ್ತ ಭಾನುವಾರ ಬೆಂಗಳೂರಲ್ಲಿ ಓಡು..

ಒಲಿಂಪಿಕ್‌ ದಿನಾಚರಣೆ ನಿಮಿತ್ತ ಭಾನುವಾರ ಬೆಂಗಳೂರಲ್ಲಿ ಓಡು..
ಸಾಂಕೇತಿಕ ಓಟ, ಸ್ಪರ್ಧೆ ಅಲ್ಲ. ಎಲ್ಲರೂ ಓಡುತ್ತಿರುವಾಗ ನೀವೇಕೆ ಹಿಂದೆ ಬೀಳುತ್ತೀರಿ!!

ಒಲಿಂಪಿಕ್‌ ದಿನಾಚರಣೆ ಅಂಗವಾಗಿ ಬೆಂಗಳೂರಿನಲ್ಲಿ ಭಾನುವಾರ ಓಡುವ ಹಬ್ಬ ಆಚರಿಸಲಾಗುತ್ತಿದೆ. ಒಲಿಂಪಿಕ್‌ನ ಧ್ಯೇಯ ಮತ್ತು ವೈಭವವನ್ನು ಸಾರುವುದೇ ಈ ಓಟದ ಸಂಕೇತ.

ಒಲಿಂಪಿಕ್‌ ಸ್ಪರ್ಧೆಗಳಲ್ಲಿ ಭಾಗವಹಿಸಿದ ಭಾರತದ ಕ್ರೀಡಾಳುಗಳು ಹಾಗೂ ಅರ್ಜುನ ಪ್ರಶಸ್ತಿ ವಿಜೇತರು ಈ ಓಟದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಖ್ಯಾತ ಕ್ರೀಡಾಪಟುಗಳಲ್ಲದೆ ಶಾಲಾ ಮತ್ತು ಕಾಲೇಜು ವಿದ್ಯಾರ್ಥಿಗಳು, ಗಂಡಸರು ಹೆಂಗಸರು , ಮಕ್ಕಳು, ಮರಿ ಎಲ್ಲರೂ ಓಡುವ ಕಾರ್ಯಕ್ರಮದಲ್ಲಿ 3000 ಮಂದಿ ಭಾಗವಹಿಸುವ ನಿರೀಕ್ಷೆ ಇದೆ. ಈ ಓಟ ಸ್ಪರ್ಧಾತ್ಮಕವಾಗಿರುವುದಿಲ್ಲ, ಸಾಂಕೇತಿಕವಷ್ಟೆ ಎನ್ನುತ್ತಾರೆ ಕರ್ನಾಟಕ ಒಲಿಂಪಿಕ್‌ ಸಂಸ್ಥೆಯ (KOA) ಅಧ್ಯಕ್ಷ ಕೆ. ಗೋವಿಂದರಾಜ್‌.

ಭಾನುವಾರ ಬೆಳಗ್ಗೆ ಆರಂಭವಾಗುವ ಓಟ, ಮೇಯೋ ಹಾಲ್‌ನಿಂದ ಆರಂಭವಾಗಿ ಆರು ಕಿಲೋಮೀಟರ್‌ ಕ್ರಮಿಸಿ ಕಂಠೀರವ ಕ್ರೀಡಾಂಗಣದಲ್ಲಿ ಅಂತ್ಯಗೊಳ್ಳುತ್ತದೆ. ನೀವೂ ಓಡುತ್ತೀರಾ? ಬನ್ನಿ, ಸೇರಿಕೊಳ್ಳಿ.

ನೋಡಿ : ಒಲಿಂಪಿಕ್‌ ಚಳವಳಿಯ ಅಧಿಕೃತ ವೆಬ್‌ಸೈಟ್‌

ಮುಖಪುಟ / ವಾರ್ತೆಗಳು