ಐಟಿ ಹಬ್ ಬೆಂಗಳೂರಲ್ಲಿ ರಾತ್ರಿ ಮಲ ಹೊರುವ ಪದ್ಧತಿ!?
ಐಟಿ
ಹಬ್
ಬೆಂಗಳೂರಲ್ಲಿ
ರಾತ್ರಿ
ಮಲ
ಹೊರುವ
ಪದ್ಧತಿ!?
ಈ
ಪದ್ಧತಿಯನ್ನು
ಪ್ರೋತ್ಸಾಹಿಸುವುದು
ಅಪರಾಧವಾದರೂ,
ಇಲ್ಲಿಯವರೆಗೆ
ಯಾರೂ
ಬಂಧಿತರಾಗಿಲ್ಲ
ಈ ಆಘಾತಕಾರಿ ಸುದ್ದಿಯನ್ನು ಹೊರಗೆಡಹಿದ್ದು ಪೌರಾಡಳಿತ ಸಚಿವ ಎಸ್.ಆರ್.ಮೋರೆ. ಜನರಿಗೆ ಮೂಲ ಸೌಕರ್ಯ ಒದಗಿಸುವಲ್ಲಿ ಆಡಳಿತ ವಿಫಲವಾಗಿದೆ ಎಂದು ವಿರೋಧ ಪಕ್ಷ ಬೊಬ್ಬೆ ಹೊಡೆಯುತ್ತಿರುವ ಸಂದರ್ಭದಲ್ಲಿ ಈ ಸುದ್ದಿ ಮತ್ತಷ್ಟು ಚರ್ಚೆಗೆ ಗ್ರಾಸವಾಗಲಿದೆ.
ಈ ಅಮಾನುಷ ಪದ್ಧತಿ ಬೆಂಗಳೂರಿನ ಕೆಲವು ಕೊಳಚೆ ಪ್ರದೇಶಗಳಲ್ಲಿ ನಡೆಯುತ್ತಿದೆ. ಅಷ್ಟೇ ಅಲ್ಲದೆ ಗುಲ್ಬರ್ಗಾ ಜಿಲ್ಲೆಯ ಯಾದಗೀರ್ ಮತ್ತು ಚಿತಾಪುರ ತಾಲ್ಲೂಕುಗಳಲ್ಲಿ ಇದು ಆಚರಣೆಯಲ್ಲಿದೆ ಎಂದು ಮೋರೆ ಇಂದು ಸುದ್ದಿಗಾರರಿಗೆ ತಿಳಿಸಿದರು.
ಈ ಆಚರಣೆ ನಿಷೇಧಿತವಾಗಿ 12 ವರ್ಷಗಳಾಗಿದ್ದರೂ ನಿರ್ಮೂಲನಗೊಳಿಸಲು ಸಾಧ್ಯವಾಗಿಲ್ಲ. ಇದನ್ನು ಪ್ರೋತ್ಸಾಹಿಸುತ್ತಿರುವ ತಪ್ಪಿತಸ್ಥರ ಮೇಲೆ ಸೂಕ್ತ ಕ್ರಮ ತೆಗೆದುಕೊಳ್ಳುವಂತೆ ಅಧಿಕಾರಿಗಳಿಗೆ ನಿರ್ದೇಶನ ನೀಡಲಾಗಿದೆ ಎಂದು ಹೇಳಿದರು.
ಮೊದಲು ಚಿಕ್ಕೋಡಿ ಮತ್ತು ಗುರುಮಿಟ್ಕಲ್ನಲ್ಲಿ ಈ ಆಚರಣೆ ನಡೆಯುತ್ತಿದೆ ಎಂದು ತಪ್ಪಾಗಿ ಹೇಳಿದ್ದೆ. ಆದರೆ ಆ ತಾಲ್ಲೂಕುಗಳಲ್ಲಿ ಈ ಅಮಾನುಷ ಪದ್ಧತಿ ಆಚರಣೆಯಲ್ಲಿಲ್ಲ ಎಂದು ಅವರು ಸ್ಪಷ್ಟಪಡಿಸಿದರು.
ಈ ಪದ್ಧತಿಯನ್ನು ಪ್ರೋತ್ಸಾಹಿಸುವುದು ಅಪರಾಧವಾದರೂ, ಇಲ್ಲಿಯವರೆಗೆ ಯಾರು ದೂರು ಕೊಟ್ಟಿಲ್ಲ ಮತ್ತು ಯಾರೂ ಬಂಧಿತರಾಗಿಲ್ಲದಿರುವುದು ಸಮಸ್ಯೆಯ ಸಂಕೀರ್ಣತೆಗೆ ಹಿಡಿದ ಕನ್ನಡಿ.
(ಇನ್ಫೋ ವಾರ್ತೆ)
ಮುಖಪುಟ / ವಾರ್ತೆಗಳು