18ಕರುಗಳ ಜೀವಕ್ಕೆ ಪೊಲೀಸರ ಶ್ರೀರಕ್ಷೆ

18ಕರುಗಳ ಜೀವಕ್ಕೆ ಪೊಲೀಸರ ಶ್ರೀರಕ್ಷೆ
2 ತಿಂಗಳ ಮುದ್ದುಕರುಗಳ ಜಪ್ತಿ, ಇಬ್ಬರ ಆರೋಪಿಗಳ ಬಂಧನ

ಕಸಾಯಿಖಾನೆಗೆ ಸಾಗಿಸುತ್ತಿದ್ದ 18ಕರುಗಳನ್ನು ನಗರ ಸಂಚಾರ ಪೊಲೀಸರು ಶನಿವಾರ ಜಪ್ತಿ ಮಾಡಿ, ಈ ಸಂಬಂಧ ಇಬ್ಬರನ್ನು ಬಂಧಿಸಿದ್ದಾರೆ.

ಎರಡು ತಿಂಗಳ ವಯಸ್ಸಿನ ಕರುಗಳನ್ನು ಅಕ್ರಮವಾಗಿ ಶಿವಾಜಿನಗರ ಕಡೆ ಸಾಗಿಸುತ್ತಿದ್ದಾಗ ಸಂಚಾರಿ ಪೊಲೀಸ್‌ ಕೈಗೆ ಸಿಕ್ಕು ಬಿದ್ದಿರುವ ಆಟೋ ಚಾಲಕ ಮಂಜುನಾಥ ಮತ್ತು ಸಹಾಯಕ ಬರ್ಕಸ್ತ್‌ (21) ರನ್ನು ಬಂಧಿಸಿಸಲಾಗಿದೆ. ಈ ಆರೋಪಿಗಳನ್ನು ಕಬ್ಬನ್‌ ಪಾರ್ಕ್‌ ಪೊಲೀಸ್‌ ಠಾಣೆಗೆ ಒಪ್ಪಿಸಲಾಗಿದೆ.

ಆರೋಪಿಗಳು ಕರುಗಳನ್ನು ಮಾರಾಟ ಮಾಡಲು ಹೊಸೂರು ರಸ್ತೆಯ ಚಂದಾಪುರದಿಂದ ಶಿವಾಜಿ ನಗರಕ್ಕೆ ತರುತ್ತಿದ್ದರು ಎಂದು ಪೊಲೀಸರು ತಿಳಿಸಿದರು. ಕರುಗಳನ್ನು ಪೊಲೀಸರು ಬೆಂಗಳೂರು ಮಹಾನಗರ ಪಾಲಿಕೆಯ ದೊಡ್ಡಿಯ ವಶಕ್ಕೆ ನೀಡಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು