ಏಟ್ರಿಯಾ ಹೋಟೆಲ್‌ಗೆ ರಾಜ್ಯ ಸರ್ಕಾರದಿಂದ ಕಿಕ್‌

ಏಟ್ರಿಯಾ ಹೋಟೆಲ್‌ಗೆ ರಾಜ್ಯ ಸರ್ಕಾರದಿಂದ ಕಿಕ್‌
ಸರ್ಕಾರಿ ಜಾಗದಲ್ಲಿರುವ ಏಟ್ರಿಯಾ ಸೇರಿದಂತೆ 10ಕಟ್ಟಡಗಳ ತೆರವಿಗೆ 21ದಿನಗಳ ಗಡುವು

ನಗರದ ಹೃದಯ ಭಾಗದಲ್ಲಿರುವ ‘ಏಟ್ರಿಯಾ’ ತಾರಾ ಹೋಟೆಲ್‌ ಮತ್ತು ಸುತ್ತಮುತ್ತಲಿನ ಖಾಸಗಿ ಕಟ್ಟಡಗಳನ್ನ್ನು ತೆರವುಗೊಳಿಸುವಂತೆ ಸರ್ಕಾರ ಆದೇಶಿಸಿದೆ.

ಸರ್ಕಾರಿ ಜಮೀನಿನಲ್ಲಿ ನಿರ್ಮಾಣಗೊಂಡಿರುವ ಆರೋಪದ ಮೇಲೆ 24 ಎಕರೆ 3 ಗುಂಟೆ ಪ್ರದೇಶದಲ್ಲಿರುವ ಏಟ್ರಿಯಾ ಹೋಟೆಲ್‌ ಸೇರಿದಂತೆ ಒಟ್ಟು 10 ಕಟ್ಟಡಗಳನ್ನು ತೆರವುಗೊಳಿಸುವಂತೆ ಬೆಂಗಳೂರು ನಗರ ಜಿಲ್ಲಾಧಿಕಾರಿ ಮತ್ತು ಜಿಲ್ಲಾ ಮ್ಯಾಜಿಸ್ಟ್ರೇಟ್‌ ಎಂ.ಎ. ಸಾಧಿಕ್‌ ನೋಟಿಸ್‌ ಜಾರಿಗೊಳಿಸಿದ್ದಾರೆ.

ಮುಂದಿನ 21ದಿನಗಳಲ್ಲಿ ತೆರವುಗೊಳಿಸದಿದ್ದರೆ ಸರ್ಕಾರಿ ಜಾಗದಲ್ಲಿರುವ ಈ ಕಟ್ಟಡಗಳನ್ನು ಏಕೆ ಕೆಡವಬಾರದು ಎಂದು ನೋಟಿಸ್‌ನಲ್ಲಿ ಪ್ರಶ್ನಿಸಲಾಗಿದೆ.

ಕರ್ನಾಟ ಲೋಕಸೇವಾ ಆಯೋಗದ(ಕೆಪಿಎಸ್‌ಸಿ) ಕಾರ್ಯದರ್ಶಿಯಾಗಿದ್ದ ಬಿ.ಎ.ಹರೀಶ್‌ ಗೌಡ ಅವರ ತನಿಖೆಯಿಂದ ಈ ಭೂಕಬಳಿಕೆ ಬಹಿರಂಗಗೊಂಡಿದ್ದು ಇಲ್ಲಿ ಉಲ್ಲೇಖನೀಯ.

(ಇನ್ಫೋ ವಾರ್ತೆ)