ಆರೆಸ್ಸೆಸ್‌ ಮುಖಂಡ ಸುದರ್ಶನ್‌ಗೆ ಲಘು ಗಾಯ

ಆರೆಸ್ಸೆಸ್‌ ಮುಖಂಡ ಸುದರ್ಶನ್‌ಗೆ ಲಘು ಗಾಯ
ಬಾತ್‌ ರೂಂನಲ್ಲಿ ಜಾರಿ ತಲೆಗೆ ಪೆಟ್ಟು, ವೈದ್ಯರ ಸಲಹೆಯಂತೆ ವಿಶ್ರಾಂತಿ

ಭುವನೇಶ್ವರ್‌ : ರಾಷ್ಟ್ರೀಯ ಸ್ವಯಂ ಸೇವಕ ಸಂಘ(ಆರ್‌ಎಸ್‌ಎಸ್‌)ದ ಮುಖಂಡ ಕೆ.ಎಸ್‌.ಸುದರ್ಶನ್‌ ಬಾತ್‌ರೂಮ್‌ನಲ್ಲಿ ಬಿದ್ದು ಗಾಯಗೊಂಡಿದ್ದಾರೆ ಎಂದು ಆರ್‌ಎಸ್‌ಎಸ್‌ ಮೂಲಗಳು ಮಂಗಳವಾರ ತಿಳಿಸಿವೆ.

ಭುವನೇಶ್ವರ್‌ಗೆ 170ಕಿ.ಮೀ ದೂರದ ತಲ್ಚರ್‌ನಲ್ಲಿ ನಡೆಯುತ್ತಿರುವ ಎರಡು ದಿನಗಳ ತರಬೇತಿ ಶಿಬಿರದಲ್ಲಿ ಪಾಲ್ಗೊಳ್ಳಬೇಕಿದ್ದ ಅವರು, ಈ ಕಾರಣದಿಂದ ಪಾಲ್ಗೊಂಡಿಲ್ಲ ಎನ್ನಲಾಗಿದೆ.

ಸೋಮವಾರ ನಡೆದ ಈ ಘಟನೆಯಲ್ಲಿ ಸುದರ್ಶನ್‌ ಆವರ ತಲೆಗೆ ತುಸು ಪೆಟ್ಟಾಗಿದ್ದು, ವೈದ್ಯರ ಸಲಹೆಯಂತೆ ವಿಶ್ರಾಂತಿ ಪಡೆಯುತ್ತಿದ್ದಾರೆ. ಇದೊಂದು ಪುಟ್ಟ ಘಟನೆಯಾಗಿದ್ದು, ಅವರು ಕ್ಷೇಮವಾಗಿದ್ದಾರೆ ಎಂದು ಆರ್‌ಎಸ್‌ಎಸ್‌ ಮೂಲಗಳು ತಿಳಿಸಿವೆ.
(ಪಿಟಿಐ)

ಮುಖಪುಟ / ವಾರ್ತೆಗಳು