ಬಾಲಿವುಡ್‌ ಕಿಂಗ್‌ ಶಾರುಖ್‌ಖಾನ್‌ ಸಂಗೀತ ಸಂಜೆ

ಬಾಲಿವುಡ್‌ ಕಿಂಗ್‌ ಶಾರುಖ್‌ಖಾನ್‌ ಸಂಗೀತ ಸಂಜೆ
ಹಿಂದಿ ಚಿತ್ರರಂಗದ ತಾರೆಗಳಿಂದ ಎದೆ ಝಲ್‌ ಎನ್ನಿಸುವ ಸಂಗೀತ-ನೃತ್ಯಗಳ ಹಬ್ಬ

ಹಿಂದಿ ಚಿತ್ರರಂಗದ ಜನಪ್ರಿಯ ನಾಯಕ ಶಾರುಖ್‌ ಖಾನ್‌, ಲಿಟಲ್‌ ಕ್ವೀನ್‌ ರಾಣಿ ಮುಖರ್ಜಿ ಸೇರಿದಂತೆ ಬಾಲಿವುಡ್‌ ಪ್ರಪಂಚದ ಗ್ಲಾಮರಸ್‌ ತಾರೆಯರು ಉದ್ಯಾನ ನಗರದಲ್ಲಿ ಭಾನುವಾರ(ಏ.10) ಸಂಗೀತದ ರಸದೌತಣ ನೀಡಲು ಸಜ್ಜಾಗಿದ್ದಾರೆ.

ನಗರದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾನುವಾರ ಸಂಜೆ 7ಕ್ಕೆ ‘ಟೆಂಪ್ಟೇಶನ್‌-2005’ ಕಾರ್ಯಕ್ರಮವನ್ನು ಆಯೋಜಿಸಲಾಗಿದ್ದು, ಶಾರುಖ್‌ ಖಾನ್‌, ರಾಣಿ ಮುಖರ್ಜಿ, ಲಾರದತ್ತ, ಮಲೈಕಾ ಅರೋರಾ, ಜಾಹೀದ್‌ ಖಾನ್‌ ಮತ್ತಿತರರ ನೃತ್ಯ-ಸಂಗೀತವನ್ನು ಸವಿಯುವ ಅವಕಾಶ ಕನ್ನಡಿಗರಿಗೆ ಸಿಕ್ಕಿದೆ.

ಈ ವಿಶೇಷ ಕಾರ್ಯಕ್ರಮಕ್ಕಾಗಿ ಮುಂಬೈನಿಂದ 50ಟನ್‌ನಷ್ಟು ಸಂಗೀತ ಉಪಕರಣಗಳನ್ನು ತರಿಸಲಾಗಿದ್ದು, 500ಮಂದಿ ತಂತ್ರಜ್ಞರು ಏ.4ರಿಂದಲೇ ಸಿದ್ಧತೆ ನಡೆಸಿದ್ದಾರೆ. 500 ರೂ.ಗಳಿಂದ ಹತ್ತು ಸಾವಿರದ ತನಕ ಪ್ರವೇಶ ಶುಲ್ಕವನ್ನು ನಿಗದಿಪಡಿಸಲಾಗಿದೆ. ಕೆಫೆ, ಕಾಫಿ ಡೇ ಮಳಿಗೆಗಳಲ್ಲಿ ಟಿಕೆಟ್‌ಗಳು ಲಭ್ಯ. ಹೆಚ್ಚಿನ ವಿವರಗಳಿಗೆ ದೂರವಾಣಿ : 2521 2195ನ್ನು ಸಂಪರ್ಕಿಸಬಹುದು.

(ಇನ್ಫೋ ವಾರ್ತೆ)

ಮುಖಪುಟ / ಬೆಂಗಳೂರು ಡೈರಿ