ಮೈಸೂರು ಮೃಗಾಯಲದಿ ಹಳೆಯ ಮರಗಳಿಗೆ ಕೊಡಲಿ

ಮೈಸೂರು ಮೃಗಾಯಲದಿ ಹಳೆಯ ಮರಗಳಿಗೆ ಕೊಡಲಿ
ಪುಟಾಣಿಗಳ ಸಾವಿನ ಹಿನ್ನೆಲೆಯಲ್ಲಿ ಮೃಗಾಲಯದ ಆಡಳಿತ ಮಂಡಳಿಯಿಂದ ತೀವ್ರ ನಿಗಾ

ನಗರದ ಚಾಮರಾಜೇಂದ್ರ ಮೃಗಾಲಯದಲ್ಲಿನ ಹಳೆಯ ಮರಗಳನ್ನು ತೆರವುಗೊಳಿಸುವ ಪ್ರಯತ್ನಗಳು ಈಗ ಆರಂಭಗೊಂಡಿವೆ.

ಮೃಗಾಯಲಕ್ಕೆ ಭೇಟಿ ನೀಡುವ ಜನರ ಸುರಕ್ಷತೆಗಾಗಿ ಈ ಕ್ರಮವನ್ನು ಆಡಳಿತ ಮಂಡಳಿ ಕೈಗೊಂಡಿದೆ. ಇತ್ತೀಚೆಗಷ್ಟೇ ಮೃಗಾಯಲಕ್ಕೆ ಆಗಮಿಸಿದ್ದ ಪ್ಲೇಹೋಮ್‌ ಮಕ್ಕಳ ಮೇಲೆ ಬೃಹತ್‌ ಸಿಲ್ವರ್‌ ಓಕ್‌ ಮರ ಉರುಳಿಬಿದ್ದಿತ್ತು. ಆ ಪರಿಣಾಮ ಇಬ್ಬರು ಸಾವನ್ನಪ್ಪಿ, ನಾಲ್ವರು ಪುಟಾಣಿಗಳು ಗಾಯಗೊಂಡಿದ್ದರು. ಈ ಘಟನೆಯ ಹಿನ್ನೆಲೆಯಲ್ಲಿ ಮೃಗಾಯಲದ ಆಡಳಿತ ಮಂಡಳಿ ತೀವ್ರನಿಗಾವಹಿಸಿದೆ.

ಇನ್‌ಸ್ಟಿಟ್ಯೂಟ್‌ ಆಫ್‌ ವುಡ್‌ಸೈನ್ಸ್‌ ಮತ್ತು ಟೆಕ್ನಾಲಜಿಯ ಪರಿಣಿತರನ್ನು ಮೃಗಾಯಲಕ್ಕೆ ಆಹ್ವಾನಿಸಿದ್ದು, ರೋಗಗ್ರಸ್ಥ ಮತ್ತು ಆಯಸ್ಸು ಮುಗಿದಿರುವ ಮರಗಳನ್ನು ಗುರ್ತಿಸಲಾಗುತ್ತಿದೆ. ಮುಂದಿನ ಜೂನ್‌-ಜುಲೈ ತಿಂಗಳಲ್ಲಿ ಹೊಸದಾಗಿ ಹೊಂಗೆ, ಬೇವು, ನೇರಳೆ ಸಸಿಗಳನ್ನು ನೆಡಲು ಹಾಗೂ ಓಕ್‌ನಂತಹ ಮರಗಳನ್ನು ಬೆಳೆಸದಿರಲು ಆಡಳಿತ ಮಂಡಳಿ ನಿರ್ಧರಿಸಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು