ನೇಪಾಳಿ ಸೈನಿಕರ ದಾಳಿ : 70 ಮಾವೋವಾದಿಗಳ ಬಲಿ

ನೇಪಾಳಿ ಸೈನಿಕರ ದಾಳಿ : 70 ಮಾವೋವಾದಿಗಳ ಬಲಿ
ಗಣೇಶ್‌ ಪುರ ಸಮೀಪ ಸೈನಿಕರು-ಉಗ್ರರ ನಡುವೆ ಗುಂಡಿನ ಚಕಮಕಿ

ನೇಪಾಳಿ ಸೈನಿಕರು ಮತ್ತು ಮಾವೋವಾದಿಗಳ ನಡುವೆ ಸೋಮವಾರ ರಾತ್ರಿಯಿಂದ ನಡೆದ ಗುಂಡಿನ ಚಕಮಕಿಯಲ್ಲಿ 70 ಮಂದಿ ಮಾವೋವಾದಿಗಳು ಸತ್ತಿದ್ದಾರೆ ಎಂದು ಮೂಲಗಳು ಮಂಗಳವಾರ ತಿಳಿಸಿವೆ.

ಮೂರು ಮಂದಿ ಬ್ರಿಗೇಡ್‌ ಕಮಾಂಡರ್‌ಗಳು ಹಾಗೂ 70 ಮಂದಿ ಮಾವೋ ಉಗ್ರರು ಈ ಘಟನೆಯಲ್ಲಿ ಮೃತಪಟ್ಟಿದ್ದಾರೆ. ಕಠ್ಮಂಡುಗೆ 600ಕಿ.ಮೀ ದೂರದ ಗಣೇಶ್‌ಪುರ್‌ ಪ್ರದೇಶದಲ್ಲಿ ಹೆಲಿಕ್ಯಾಪ್ಟರ್‌ಗಳನ್ನು ಬಳಸಿ ನೇಪಾಳಿ ಸೈನಿಕರು ದಾಳಿ ನಡೆಸಿದ್ದಾರೆ.

ಸಾವಿನ ಸಂಖ್ಯೆ ನಿಖರವಾಗಿ ತಿಳಿದು ಬಂದಿಲ್ಲ. ಅತ್ಯಾಧುನಿಕ ಆಸ್ತ್ರಗಳನ್ನು ಬಳಸಿದ ಮಾವೋ ಉಗ್ರರು ವ್ಯಾಪಕ ಪ್ರತಿರೋಧವೊಡ್ಡಿದರು ಎಂದು ಕಠ್ಮಂಡು ಭದ್ರತಾ ಪಡೆಯ ಮೂಲಗಳು ತಿಳಿಸಿವೆ.

(ಪಿಟಿಐ)

ಮುಖಪುಟ / ವಾರ್ತೆಗಳು