ಕೆಎಸ್‌ಆರ್‌ಟಿಸಿ ಹ್ಯಾಟ್ರಿಕ್‌: ಕೇಂದ್ರದಿಂದ ಪ್ರತಿಷ್ಠಿತ ಪಿಸಿಆರ್‌ಎ ಪ್ರಶಸ್ತಿ

ಕೆಎಸ್‌ಆರ್‌ಟಿಸಿ ಹ್ಯಾಟ್ರಿಕ್‌: ಕೇಂದ್ರದಿಂದ ಪ್ರತಿಷ್ಠಿತ ಪಿಸಿಆರ್‌ಎ ಪ್ರಶಸ್ತಿ
ಲೀಟರ್‌ಗೆ 5.25ಕಿ.ಮೀ ಕ್ರಮಿಸಿದ ಕೆಎಸ್‌ಆರ್‌ಟಿಸಿ ಬಸ್ಸುಗಳ ಸಾಧನೆಗೆ ಮೂರನೇ ಸಲ ಮನ್ನಣೆ

ಅತ್ಯುತ್ತಮ ಇಂಧನ ಉಳಿತಾಯಕ್ಕಾಗಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ (ಕೆಎಸ್‌ಆರ್‌ಟಿಸಿ)ಗೆ ಕೇಂದ್ರ ಪೆಟ್ರೋಲಿಯಂ ಸಂರಕ್ಷಣೆ ಮತ್ತು ಸಂಶೋಧನಾ ಸಂಸ್ಥೆಯ ಪ್ರತಿಷ್ಠಿತ ಗೌರವ ಸಂದಾಯವಾಗಿದೆ.

ಪ್ರಸಕ್ತ ಸಾಲಿನ ರಾಷ್ಟ್ರೀಯ ಇಂಧನ ಉಳಿತಾಯ ಸಾಧನೆ ಪ್ರಶಸ್ತಿಯನ್ನು ಪಡೆದಿರುವ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ಈ ಪ್ರಶಸ್ತಿಯನ್ನು ಮೂರನೇ ಬಾರಿ ಪಡೆದ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಕೆಎಸ್‌ಆರ್‌ಟಿಸಿ ಬಸ್ಸುಗಳು 2003-04ನೇ ಸಾಲಿನಲ್ಲಿ ಪ್ರತಿ ಲೀಟರ್‌ ಡೀಸೆಲ್‌ಗೆ 5.25 ಕಿಲೋಮೀಟರ್‌ಗಳಷ್ಟು ದೂರ ವನ್ನು ಕ್ರಮಿಸಿದ ಸಾಧನೆಗೆ ಈ ಪ್ರಶಸ್ತಿ ಲಭ್ಯವಾಗಿದೆ.

ಸೋಮವಾರ(ಜ.31) ನವದೆಹಲಿಯಲ್ಲಿ ನಡೆದ ಸಮಾರಂಭದಲ್ಲಿ ಕೇಂದ್ರ ವಾರ್ತಾ ಸಚಿವ ಜೈಪಾಲ್‌ ರೆಡ್ಡಿ ಅವರಿಂದ ಸಂಸ್ಥೆಯ ವ್ಯವಸ್ಥಾಪಕ ಎಂ.ಆರ್‌. ಶ್ರೀನಿವಾಸಮೂರ್ತಿ ಪ್ರಶಸ್ತಿಯನ್ನು ಸ್ವೀಕರಿಸಿದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು