ಸಹೋದರರ ಸವಾಲ್‌: ಅನಿಲ್‌ ಅಂಬಾನಿ ‘ಐಪಿಸಿಎಲ್‌’ ಪದತ್ಯಾಗ!

ಸಹೋದರರ ಸವಾಲ್‌: ಅನಿಲ್‌ ಅಂಬಾನಿ ‘ಐಪಿಸಿಎಲ್‌’ ಪದತ್ಯಾಗ!
ರಿಲಯನ್ಸ್‌ ಸಮೂಹ ಸಂಸ್ಥೆಯ ಉಪಾಧ್ಯಕ್ಷ ಹಾಗೂ ನಿರ್ದೇಶಕ ಸ್ಥಾನಕ್ಕೆ ರಾಜೀನಾಮೆ

ರಿಲಯನ್ಸ್‌ ಸಮೂಹ ಕಂಪನಿ ಐಪಿಸಿಎಲ್‌ಗೆ ಉಪಾಧ್ಯಕ್ಷ ಮತ್ತು ನಿರ್ದೇಶಕ ಹುದ್ದೆಗೆ ಅನಿಲ್‌ ಅಂಬಾನಿ ರಾಜೀನಾಮೆ ನೀಡಿದ್ದಾರೆ.

ಜನವರಿ 3ರ ಸೋಮವಾರ ರಿಲಯನ್ಸ್‌ ಸಮೂಹ ಸಂಸ್ಥೆಯ ಉಪಾಧ್ಯಕ್ಷ ಹಾಗೂ ನಿರ್ದೇಶಕ ಸ್ಥಾನಕ್ಕೆ ಅನಿಲ್‌ ಅಂಬಾನಿ ರಾಜೀನಾಮೆ ಸಲ್ಲಿಸುವ ನಾಟಕೀಯ ಬೆಳವಣಿಗೆ ನಡೆಯಿತು. ಈ ಹಠಾತ್‌ ಬೆಳವಣಿಗೆ ಕಾರಣದಿಂದಾಗಿ ಧೀರುಭಾಯಿ ಅಂಬಾನಿ ಸಾಮ್ರಾಜ್ಯಕ್ಕಾಗಿ ನಡೆಯುತ್ತಿರುವ ಸಹೋದರರ ಸವಾಲ್‌ ಕುತೂಹಲಕಾರಿ ಘಟ್ಟ ಮುಟ್ಟಿದೆ.

ಧೀರುಭಾಯಿ ಪುತ್ರರಾದ ಮುಖೇಶ್‌ ಹಾಗೂ ಅನಿಲ್‌ ನಡುವೆ ಹಲವು ದಿನಗಳಿಂದ ಶೀತಲ ಯುದ್ಧ ನಡೆದಿತ್ತು . ರಿಲಯನ್ಸ್‌ ಸಮೂಹದ ಮೇಲೆ ಪ್ರಾಬಲ್ಯ ಸಾಧಿಸಲು ಇಬ್ಬರು ಸೋದರರ ಮಾಧ್ಯಮಗಳ ಮೊರೆ ಹೋಗಿದ್ದರು.

ಪ್ರಸ್ತುತ ಅನಿಲ್‌ ಅಂಬಾನಿ ರಾಜೀನಾಮೆಯಿಂದಾಗಿ ಸಹೋದರರ ಕಲಹ ಹೊಸ ಮಜಲು ಮುಟ್ಟಿದೆ. ಈ ರಾಜೀನಾಮೆ ಕುರಿತು ಅಂಬಾನಿ ಕುಟುಂಬ ಯಾವ ರೀತಿ ಪ್ರತಿಕ್ರಿಯಿಸುತ್ತದೆ ಎನ್ನುವುದು ಇನ್ನೂ ಸ್ಪಷ್ಟವಾಗಿಲ್ಲ .

(ಪಿಟಿಐ)

ಮುಖಪುಟ / ವಾರ್ತೆಗಳು