ಮಂಗಳೂರು-ಬೆಂಗಳೂರು ರೈಲು 2005 ಜನವರಿಯಿಂದ ಪ್ರಾರಂಭ

ಮಂಗಳೂರು-ಬೆಂಗಳೂರು ರೈಲು 2005 ಜನವರಿಯಿಂದ ಪ್ರಾರಂಭ
ಮಂಗಳೂರು-ಪುತ್ತೂರು ನಡುವಣ ರೈಲು ಸಂಚಾರ

ಬಹು ನಿರೀಕ್ಷೆಯ ಬೆಂಗಳೂರು ಮತ್ತು ಮಂಗಳೂರು ನಡುವಿನ ಪ್ಯಾಸೆಂಜರ್‌ ರೈಲು ಓಡಾಟ 2005 ನೇ ಇಸವಿಯ ಜನವರಿ ತಿಂಗಳ ವೇಳೆಗೆ ಪ್ರಾರಂಭವಾಗಲಿದೆ ಎಂದು ಕೇಂದ್ರ ರೈಲ್ವೆ ಖಾತೆ ಸಚಿವ ನಿತೀಶ್‌ ಕುಮಾರ್‌ ತಿಳಿಸಿದ್ದಾರೆ.

2005ರ ಡಿಸೆಂಬರ್‌ ವೇಳೆಗೆ ಮಂಗಳೂರು-ಸಕಲೇಶಪುರ ನಡುವಣ ಗೇಜ್‌ ಪರಿವರ್ತನೆ ಕಾರ್ಯ ಮುಕ್ತಾಯವಾಗಲಿದೆ ಹಾಗೂ 2005ರ ಜನವರಿ ವೇಳೆಗೆ ಬೆಂಗಳೂರು-ಮಂಗಳೂರು ನಡುವಣ ರೈಲು ಸಂಚಾರವೂ ಪ್ರಾರಂಭವಾಗಲಿದೆ ಎಂದು ಸಚಿವ ನಿತೀಶ್‌ ಕುಮಾರ್‌ ಭಾನುವಾರ (ಡಿ.28) ತಿಳಿಸಿದರು. ಮಂಗಳೂರು ಮತ್ತು ಪುತ್ತೂರು ನಡುವಣ ಪ್ಯಾಸೆಂಜರ್‌ ರೈಲಿಗೆ ಹಸಿರು ನಿಶಾನೆ ತೋರಿಸಿದ ನಂತರ ನಿತೀಶ್‌ ಮಾತನಾಡುತ್ತಿದ್ದರು.

ಬ್ರಾಡ್‌ಗೇಜ್‌ಗೆ ಹೊಸದಾಗಿ ಪರಿವರ್ತನೆಗೊಂಡಿರುವ ಮಾರ್ಗದಲ್ಲಿ ಮಂಗಳೂರು-ಪುತ್ತೂರು ರೈಲು ಸಂಚಾರ ಆರಂಭವಾಗಿದ್ದು , ಡಿ.29ರ ಸೋಮವಾರದಿಂದ ರೈಲು ಸಂಚಾರ ನಿಯಮಿತವಾಗಿ ಆರಂಭವಾಗಲಿದೆ.

2004ರ ಮಾರ್ಚ್‌ ವೇಳೆಗೆ ಪುತ್ತೂರು ಮತ್ತು ಕುಕ್ಕೆ ಸುಬ್ರಹ್ಮಣ್ಯ ನಡುವಣ ಗೇಜ್‌ ಪರಿವರ್ತನೆ ಕಾರ್ಯ ಕೊನೆಗೊಳ್ಳಲಿದೆ ಎಂದು ಸಚಿವ ನಿತೀಶ್‌ಕುಮಾರ್‌ ಇದೇ ಸಂದರ್ಭದಲ್ಲಿ ತಿಳಿಸಿದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು