ಗುಲ್ಬರ್ಗಾದ ಶಿರವಾಳದಲ್ಲಿ ಒಂದೇ ಕುಟುಂಬದ ನಾಲ್ವರ ಭೀಕರ ಹತ್ಯೆ

ಗುಲ್ಬರ್ಗಾದ ಶಿರವಾಳದಲ್ಲಿ ಒಂದೇ ಕುಟುಂಬದ ನಾಲ್ವರ ಭೀಕರ ಹತ್ಯೆ
ಗುಂಡೇಟು ತಿಂದ ಇನ್ನೂ ನಾಲ್ವರು ಆಸ್ಪತ್ರೆಯಲ್ಲಿ

ಜಿಲ್ಲೆಯ ಶಿರವಾಳ ಗ್ರಾಮದಲ್ಲಿ ದುಷ್ಕರ್ಮಿಗಳ ತಂಡವೊಂದು ಗುಂಡಿನ ಮಳೆಗರೆದು ಕುಟುಂಬವೊಂದರ ನಾಲ್ವರನ್ನು ಬರ್ಬರವಾಗಿ ಕೊಂದಿದೆ. ಗುಂಡೇಟು ತಿಂದಿರುವ ಇನ್ನೂ ನಾಲ್ವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಭಾನುವಾರ (ಡಿ. 21) ರಾತ್ರಿ ಕುಟುಂಬದ ಮಂದಿ ಊಟ ಮಾಡುತ್ತಿದ್ದಾಗ ಹಠಾತ್ತನೆ ಮನೆಗೆ ನುಗ್ಗಿದ ದುಷ್ಕರ್ಮಿಗಳ ತಂಡ ಹತ್ಯೆಗೈದಿದೆ. ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದರು. ಒಬ್ಬರು ಆಸ್ಪತ್ರೆಗೆ ಸಾಗಿಸುವಾಗ ಹಾದಿಯಲ್ಲಿ ಅಸು ನೀಗಿದರು. ಈಶ್ವರ್‌ (30), ರಾಯಪ್ಪ (45), ಬಸಪ್ಪ (55) ಹಾಗೂ ರಾಮಪ್ಪ (51)- ಇವರೇ ಹತ್ಯೆಗೀಡಾದ ದುರ್ದೈವಿಗಳು ಎಂದು ಪೊಲೀಸರು ತಿಳಿಸಿದರು. ಹಳೆಯ ದ್ವೇಷವೇ ಹತ್ಯೆಗೆ ಕಾರಣ ಎನ್ನಲಾಗಿದ್ದು, ಹತ್ಯೆ ಮಾಡಿದವರ ತಂಡ ಇನ್ನೊಂದು ಕೊಲೆ ಪ್ರಕರಣದಲ್ಲೂ ಈ ಹಿಂದೆ ಶಾಮೀಲಾಗಿದೆ ಎಂದರು.

ಗ್ರಾಮದಲ್ಲಿ ಪ್ರಕ್ಷುಬ್ಧ ವಾತಾವರಣ ನಿರ್ಮಾಣವಾಗಿದೆ. ಪ್ರಕರಣದ ದೂರು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.

(ಪಿಟಿಐ)

ಮುಖಪುಟ / ವಾರ್ತೆಗಳು