ಮದ್ದೂರು ಬಳಿ ಅಪಘಾತ ; ಅಂಬರೀಷ್‌ ಅಪಾಯದಿಂದ ಪಾರು

ಮದ್ದೂರು ಬಳಿ ಅಪಘಾತ ; ಅಂಬರೀಷ್‌ ಅಪಾಯದಿಂದ ಪಾರು
ಖಾಲಿ ಕಾರಿನ ಮೇಲೆ ಮಗುಚಿ ಬಿದ್ದ ಲಾರಿ

ಸಂಸದ ಹಾಗೂ ಚಿತ್ರನಟ ಅಂಬರೀಷ್‌ ಮದ್ದೂರು ಸಮೀಪ ಸೋಮವಾರ (ಡಿ.15) ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಯಾವುದೇ ಅಪಾಯವಿಲ್ಲದೆ ಪಾರಾಗಿದ್ದಾರೆ.

ಪೆಟ್ರೋಲ್‌ ಬಂಕ್‌ ಒಂದರ ಬಳಿ ಕಾರು ನಿಲ್ಲಿಸಿ, ಪೆಟ್ರೋಲ್‌ ಬಂಕ್‌ನಲ್ಲಿ ಅಂಬರೀಷ್‌ ಕುಳಿತಿದ್ದಾಗ ಈ ದುರ್ಘಟನೆ ಸಂಭವಿಸಿದೆ. ಕಲ್ಲಿನ ಲಾರಿಯಾಂದು ಪಲ್ಟಿ ಹೊಡೆದು ಕಾರಿನ ಮೇಲೆ ಬಿದ್ದಿದ್ದು , ಕಾರು ಖಾಲಿಯಾಗಿದ್ದುದರಿಂದ ಯಾವುದೇ ಅಪಾಯ ಸಂಭವಿಸಿಲ್ಲ . ಅಪಘಾತದ ನಂತರ ಅಂಬರೀಷ್‌ ಅವರು ಬೇರೊಂದು ಕಾರಿನಲ್ಲಿ ತಮ್ಮ ಪ್ರಯಾಣ ಮುಂದುವರಿಸಿದರು.

ಅಂಬರೀಷ್‌ ಅವರಿಗೆ ಯಾವುದೇ ಅಪಾಯ ಸಂಭವಿಸದಿರುವ ಕುರಿತು ನೆಮ್ಮದಿ ವ್ಯಕ್ತಪಡಿಸಿರುವ ಮುಖ್ಯಮಂತ್ರಿ ಕೃಷ್ಣ , ಅಂಬರೀಷ್‌ಗೆ ಧೀರ್ಘಾಯುಸ್ಸು ದೊರೆಯಲಿ ಎಂದು ಹಾರೈಸಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು