ಬಯೋ-2004ಕ್ಕೆ 150 ಕಂಪನಿ, ರಾಜ್ಯದ ಹೆಮ್ಮೆಯ ‘ಎಕ್ಸಿಟಾನ್’
ಬಯೋ-2004ಕ್ಕೆ
150
ಕಂಪನಿ,
ರಾಜ್ಯದ
ಹೆಮ್ಮೆಯ
‘ಎಕ್ಸಿಟಾನ್’
2004
ಏಪ್ರಿಲ್ನಲ್ಲಿ
ಪ್ರತಿಷ್ಠಿತ
ಜೈವಿಕ
ತಂತ್ರಜ್ಞಾನ
ಮೇಳ
ಬೆಂಗಳೂರು ಬಯೋ-2004 ಮೇಳದಲ್ಲಿ 30 ದೇಶಗಳ ಸುಮಾರು 150 ಕಂಪನಿಗಳು ಭಾಗವಹಿಸಲಿವೆ. ಈ ಸಂಖ್ಯೆ ನಿಕಟಪೂರ್ವ ಮೇಳದಲ್ಲಿ ಭಾಗವಹಿಸಿದ್ದ ಕಂಪನಿಗಳ ಸಂಖ್ಯೆಗಿಂತ 121ರಷ್ಟು ಹೆಚ್ಚಾಗಿದೆ ಎಂದು ಕರ್ನಾಟಕ ಐಟಿ ಮತ್ತು ಬಿಟಿ ನಿರ್ದೇಶಕ ಜಾವೇದ್ ಅಖ್ತರ್ ಬುಧವಾರ (ಸೆ.3) ಸುದ್ದಿಗಾರರಿಗೆ ತಿಳಿಸಿದರು.
9 ದೇಶೀಯ ರಾಜ್ಯಗಳು ಸಮ್ಮೇಳನದಲ್ಲಿ ಭಾಗವಹಿಸುವುದನ್ನು ಖಚಿತಪಡಿಸಿವೆ. 500 ಅತಿಥಿಗಳನ್ನು ನಿರೀಕ್ಷಿಸಲಾಗಿದ್ದು , ಸಮ್ಮೇಳನ ಎಲ್ಲಾ ವಿಧದಲ್ಲಿ ಕಳೆದ ಬಾರಿಗಿಂತ ಹೆಚ್ಚು ವ್ಯಾಪಕತೆಯನ್ನು ಹೊಂದಲಿದೆ ಎಂದು ಅಖ್ತರ್ ಹೇಳಿದರು.
ಕಳೆದ 12 ವರ್ಷಗಳಿಂದ ಬೆಂಗಳೂರಿನಲ್ಲಿ ಜೈವಿಕ ತಂತ್ರಜ್ಞಾನದ ಮೌನಕ್ರಾಂತಿ ಸಂಭವಿಸಿದೆ. ದೇಶದ ಪ್ರಮುಖ ಜೈವಿಕ ತಂತ್ರಜ್ಞಾನ ಕ್ಷೇತ್ರವಾಗಿ ಬೆಂಗಳೂರು ಬೆಳೆದಿದೆ. ಐಟಿ ಸಾಮರ್ಥ್ಯದಲ್ಲಿ ಮುಂದಿರುವ ಕೆಲವು ಸಂಸ್ಥೆಗಳು ಬಯೋ ತಂತ್ರಜ್ಞಾನದಲ್ಲೂ ಮುಂಚೂಣಿಯಲ್ಲಿವೆ ಎಂದು ವಿಷನ್ ಗ್ರೂಪ್ ಅಧ್ಯಕ್ಷ ಕಿರಣ್ ಮಜುಂದಾರ್ ಷಾ ತಿಳಿಸಿದರು.
ಎಕ್ಸಿಟಾನ್ ಅಗ್ಗಳಿಕೆ : ಎಕ್ಸಿಟಾನ್ ಎನ್ನುವ ಸಂಸ್ಥೆ ಟೇಪ್ವಾರ್ಮ್ಗಳನ್ನು ಪತ್ತೆ ಹಚ್ಚುವ ಸಾಧನವನ್ನು ಕಂಡುಹಿಡಿದಿದ್ದು , ಈ ತಂತ್ರಜ್ಞಾನ ಜಾಗತಿಕ ಮಾರುಕಟ್ಟೆಯಲ್ಲಿದೆ. ಬಹುಶಃ ಈ ಸಾಧನದ ನೆರವಿನಿಂದಲೇ ಟೆನ್ನಿಸ್ ತಾರೆ ಲಿಯಾಂಡರ್ ಪಯಸ್ ಅವರಲ್ಲಿನ ಟೇಪ್ ವಾರ್ಮ್ಗಳನ್ನು ಪತ್ತೆ ಹಚ್ಚಿರುವ ಸಾಧ್ಯತೆಯಿದೆ. ಇದು ಬೆಂಗಳೂರಿನ ಬಯೋಟೆಕ್ ಅಗ್ಗಳಿಕೆಗೆ ಸಾಕ್ಷಿ . ಎಚ್ಐವಿ ಏಡ್ಸ್ ಹಾಗೂ ಹೆಪಟೈಟಿಸ್ ವೈರಸ್ಗಳನ್ನು ಪತ್ತೆ ಹಚ್ಚುವ ಕಿಟ್ಗಳನ್ನೂ ಎಕ್ಸಿಟಾನ್ ಪತ್ತೆ ಹಚ್ಚಿದ್ದು , ಈ ಕಿಟ್ಗಳಿಗೆ ಅಪಾರ ಬೇಡಿಕೆಯಿದೆ ಎಂದು ಮಜುಂದಾರ್ ಹೇಳಿದರು.
(ಪಿಟಿಐ)
ಮುಖಪುಟ / ಐಟಿ - ಬಿಟಿ