ಪ್ರೆಸ್‌ ಕ್ಲಬ್‌ ಅಧ್ಯಕ್ಷರಾಗಿ ಅರಕೆರೆ ಜಯರಾಂ

ಬೆಂಗಳೂರು : ‘ದ ಹಿಂದೂ’ ಪತ್ರಿಕೆಯ ಪತ್ರಕರ್ತ ಅರಕೆರೆ ಜಯರಾಂ ಹಾಗೂ ಲಂಕೇಶ್‌ ಪತ್ರಿಕೆಯ ಸಿನಿಮಾ ವರದಿಗಾರ ಕೆ. ಸದಾಶಿವ ಶೆಣೈ ಕ್ರಮವಾಗಿ ಬೆಂಗಳೂರು ಪ್ರೆಸ್‌ ಕ್ಲಬ್‌ನ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಆಯ್ಕೆಯಾಗಿದ್ದಾರೆ.

2003- 04ನೇ ಇಸವಿಯ ಅವಧಿಯಲ್ಲಿ ಗಾದಿಗಳ ಆಯ್ಕೆಯಾಗಿ ಭಾನುವಾರ (ಮೆ.4) ನಡೆದ ಚುನಾವಣೆಯಲ್ಲಿ ಈ ಫಲಿತಾಂಶ ಬಂದಿರುವುದಾಗಿ ಪ್ರೆಸ್‌ ಕ್ಲಬ್‌ ಪ್ರಕಟಿಸಿದೆ.

ಪ್ರೆಸ್‌ ಕ್ಲಬ್‌ನ ಇತರೆ ಹುದ್ದೆಗಳಿಗೆ ಆಯ್ಕೆಯಾದವರು-
ಎಂ.ಎ.ಪೊನ್ನಪ್ಪ- ಪ್ರಧಾನ ಕಾರ್ಯದರ್ಶಿ (ಪ್ರಜಾವಾಣಿ)
ಎಸ್‌.ಶಾಂತಾರಾಂ- ಕಾರ್ಯದರ್ಶಿ (ಹೊಸ ದಿಗಂತ)
ಎಂ.ಕೆ.ರಿಝ್ವಾನ್‌- ಖಜಾಂಚಿ (ದಿ ನಶೇಮನ್‌ ವೀಕ್ಲಿ).

ವೈ.ಎಸ್‌.ಎಲ್‌.ಸ್ವಾಮಿ, ಜಿ.ಎಸ್‌.ನಾರಾಯಣ ರಾವ್‌, ಡಿ.ಲಿಂಗರಾಜು, ಎನ್‌.ಎಚ್‌.ಮ್ತುತ್ಯುಂಜಯ, ಸೈಯದ್‌ ಶರ್ಫುದ್ದೀನ್‌ ಮತ್ತು ವೈ.ಜಿ.ಅಶೋಕ್‌ ಕುಮಾರ್‌ ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ಚುನಾಯಿತರಾಗಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...