ಗಡಿಯಾಚೆಗಿನ ಕನ್ನಡಿಗರ ಮಾಹಿತಿಗೆ ಹೊರನಾಡ ಸಂಗಾತಿ ಹೊಸ ಆವೃತ್ತಿ
ಬೆಂಗಳೂರು : ಗಡಿಯಾಚೆಗೆ ನೆಲೆಸಿರುವ ಕನ್ನಡಿಗರ ಡೈರೆಕ್ಟರಿ ‘ಹೊರನಾಡ ಸಂಗಾತಿಯ 2002-03’ ನೇ ಇಸವಿಯ ಆವೃತ್ತಿ ಮುಂದಿನ ಫೆಬ್ರವರಿ ತಿಂಗಳಲ್ಲಿ ಬಿಡುಗಡೆಯಾಗಲಿದೆ.
ಡೈರೆಕ್ಟರಿಯ ಸಂಪಾದಕ ಹಾಗೂ ಮುಂಬಯಿನ ಕನಕ ಮೀಡಿಯಾ ಲಿಮಿಟೆಡ್ನ ಕಾರ್ಯನಿರ್ವಾಹಕ ಅಧಿಕಾರಿ ನಾರಾಯಣ ಪ್ರಸಾದ್ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಈ ವಿಷಯವನ್ನು ಪ್ರಕಟಿಸಿದರು. ಇದು ಡೈರೆಕ್ಟರಿಯ ಎರಡನೇ ಆವೃತ್ತಿ. ರಾಜ್ಯದಿಂದ ಹೊರಗೆ ವಾಸಿಸುತ್ತಿರುವ ಸುಮಾರು 10 ಮಿಲಿಯನ್ ಕನ್ನಡಿಗಕರ ಮಾಹಿತಿಯನ್ನು ಒಂದೆಡೆ ಕಲೆ ಹಾಕುವ ಪ್ರಯತ್ನ ಇದು ಎಂದು ನಾರಾಯಣ ಪ್ರಸಾದ್ ಹೇಳಿದರು.
ವಿಶ್ವದಾದ್ಯಂತ ಈ ಡೈರೆಕ್ಟರಿಯ ಸುಮಾರು 50 ಸಾವಿರ ಪ್ರತಿಗಳನ್ನು ಮಾರಾಟ ಮಾಡುವ ಉದ್ದೇಶವಿದೆ. ಸಾರ್ವಜನಿಕ ಗ್ರಂಥಾಲಯಗಳು, ಶಿಕ್ಷಣ ಸಂಸ್ಥೆಗಳು ಹಾಗೂ ಸರಕಾರಿ ಕಚೇರಿಗಳಲ್ಲಿಯೂ ಈ ಡೈರೆಕ್ಟರಿಯ ಪ್ರತಿ ದೊರೆಯುವಂತೆ ನೋಡಿಕೊಳ್ಳಲಾಗುವುದು. ಈ ಬಗ್ಗೆ ಇನ್ನಷ್ಟು ಮಾಹಿತಿಗಾಗಿ ಪುಸ್ತಕ ಪ್ರಕಾಶನದ ಹೊಣೆ ಹೊತ್ತ ಕನಕ ಮೀಡಿಯಾ ಲಿಮಿಟೆಡ್ ಅನ್ನು ಸಂಪರ್ಕಿಸಬಹುದು. ದೂರವಾಣಿ : 022- 4044009/4044112.
(ಇನ್ಫೋ ವಾರ್ತೆ)
ಮುಖಪುಟ / ಇವತ್ತು... ಈ ಹೊತ್ತು...