ಪುರಿ ಜಗನ್ನಾಥ ದೇವಾಲಯಕ್ಕೆ ಜಗತ್ತಿನಲ್ಲಿಯೇ ಅತಿದೊಡ್ಡ ಬೀಗ!
ಪುರಿ: ಶತಮಾನದಷ್ಟು ಹಳೆಯದಾದ ಕೊಲ್ಕೊತ್ತಾದ ಹೆಸರಾಂತ ಬೀಗ ತಯಾರಿಕಾ ಕಂಪೆನಿ ‘ಟ್ರಸ್ಟಿ’ ಜಗತ್ತಿನಲ್ಲಿಯೇ ಅತಿ ದೊಡ್ಡದೆನಿಸಿದ 50 ಕಿಲೋ ಭಾರದ ಬೀಗವನ್ನು ತಯಾರಿಸಿ ಪುರಿ ಜಗನ್ನಾಥ ದೇವಾಲಯಕ್ಕೆ ನೀಡಿದೆ.
ಎರಡು ಅಡಿ ಎತ್ತರ, ಒಂದು ಅಡಿ ಅಗಲವಿರುವ ಈ ಬೀಗಕ್ಕೆ 14. 5 ಇಂಚುಗಳ ಮೂರು ಕಂಚಿನ ಬೀಗದ ಕೈಗಳಿವೆ. ಈ ಹಿಂದೆ ದೆಹಲಿಯ ವಿಶ್ವ ವ್ಯಾಪಾರ ಮಳಿಗೆಯ ಪೆವಿಲಿಯನ್ ಗೇಟ್ಗೆ 80 ಕೆ ಜಿ ಭಾರದ ಬೀಗವನ್ನು 1961ರಲ್ಲಿ ಇದೇ ಟ್ರಸ್ಟ್ ತಯಾರಿಸಿತ್ತು.
ಈಗ ಜಗನ್ನಾಥ ದೇವಾಲಯದ ಒಂದು ಟನ್ ಭಾರವಿರುವ ಗೇಟ್ಗೆ ಈ 50 ಕೆಜಿ ಭಾರದ ಈ ಬೀಗವನ್ನು ತಯಾರಿಸಲಾಗಿದೆ. ಬೀಗ ತಯಾರಿಸಿದ ಟ್ರಸ್ಟ್ ಜಗನ್ನಾಥ ದೇವಳ ಆಡಳಿತ ಮಂಡಳಿಯಿಂದ ಚಿಕ್ಕಾಸು ತೆಗೆದುಕೊಂಡಿಲ್ಲ. ಟ್ರಸ್ಟ್ನ ಮಾಲಕ ಜೆ. ಪಿ. ಸಿಂಗ್ ಅವರದು ವೈಷ್ಣವ ಕುಟುಂಬ. ಜಗನ್ನಾಥ ದೇವರ ಇಚ್ಛೆಯ ಮೇರೆಗೇ ಈ ಬೀಗವನ್ನು ತಯಾರಿಸಿರುವುದಾಗಿ ಜೆ. ಪಿ. ಸಿಂಗ್ ಹೇಳಿದ್ದಾರೆ. ದೇವರಿಗೆ ಸೇವೆಯ ರೂಪದಲ್ಲಿ ಬೀಗವನ್ನು ಅರ್ಪಿಸಲಾಗಿದೆ.
ಒಂದು
ಟನ್
ಭಾರದ
ಗೇಟು
ಹಾಗೂ
ಈ
ಹೊಸ
ಬೀಗ
ಭಕ್ತರು
ಸಲ್ಲಿಸಿದ
ಅಮೂಲ್ಯ
ಕಾಣಿಕೆಗಳನ್ನು
ಕಾಯುತ್ತದೆ.
(ಇನ್ಫೋ
ವಾರ್ತೆ)
ಮುಖಪುಟ / ಇವತ್ತು... ಈ ಹೊತ್ತು...