ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
‘ಟಿವಿಎಸ್’ನಿಂದ 110 ಸಿಸಿ ಫೋರ್ಸ್ಟ್ರೋಕ್ ಸ್ವದೇಶಿ ಬೈಕ್
ಬೆಂಗಳೂರು : ದ್ವಿ ಚಕ್ರ ವಾಹನಗಳ ತಯಾರಿಕೆಯಲ್ಲಿ ಪ್ರಖ್ಯಾತಿ ಗಳಿಸಿರುವ ಟಿವಿಎಸ್ ಸಂಸ್ಥೆ ಸ್ವದೇಶಿ ತಂತ್ರಜ್ಞಾನದಿಂದ ಅಭಿವೃದ್ಧಿಪಡಿಸಿರುವ 110 ಸಿಸಿ ಫೋರ್ಸ್ಟ್ರೋಕ್ ಮೋಟಾರ್ ಸೈಕಲ್ ಸದ್ಯದಲ್ಲಿಯೇ ರಸ್ತೆಗೆ ಬರಲಿದೆ.
ಟಿವಿಎಸ್ನ ಕಾರ್ಪೊರೇಟ್ ಕಮ್ಯುನಿಕೇಷನ್ಸ್ನ ಉಪಾಧ್ಯಕ್ಷ ಸೆಸಿಲ್ ಕ. ದಿವಾರ್ಸ್ ಸುದ್ದಿಗಾರರಿಗೆ ತಿಳಿಸಿರುವಂತೆ-
ಗುಣಮಟ್ಟ, ಇಂಧನ ಉಳಿತಾಯ ಹಾಗೂ ಸವಾರರಿಗೆ ಅನುಕೂಲವಾಗುವಂತೆ ರೂಪಿಸಲಾಗಿರುವ ಈ ಬೈಕ್ ಭಾರತೀಯ ರಸ್ತೆಗಳಿಗೆ ಹಾಗೂ ಮಾರುಕಟ್ಟೆಗೆ ತಕ್ಕಂತೆ ತಯಾರಿಸಲಾಗಿದೆ. ಹೊಸ ಮೋಟಾರ್ ಬೈಕ್ನ ಬೆಲೆ 40 ರಿಂದ 46 ಸಾವಿರ ರುಪಾಯಿ ವ್ಯಾಪ್ತಿಯಲ್ಲಿದೆ.
ಬಳಕೆದಾರರ ಹಿತವೇ ತಮ್ಮ ಸಂಸ್ಥೆಯ ಧ್ಯೇಯವೆಂದು ಬಣ್ಣಿಸಿದ ಸೆಸಿಲ್, ಮುಂದಿನ 6 ತಿಂಗಳಲ್ಲಿ ಸುಮಾರು 5 ಸಾವಿರ ಮೋಟಾರ್ ಬೈಕ್ಗಳನ್ನು ಮಾರುವ ಉದ್ದೇಶವನ್ನು ಟಿವಿಎಸ್ ಸಂಸ್ಥೆ ಹೊಂದಿದೆ ಎಂದರು.
(ಇನ್ಫೋ ವಾರ್ತೆ)
Comments
Story first published: Saturday, July 7, 2001, 5:30 [IST]