• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವೀರಪ್ಪನ್‌ - ಗೋಪಾಲ್‌ ಮಾತುಕತೆಯ ಸಾರಾಂಶ !!!

By Super
|

ಒಂದು ವಾರ ಕಾಲ ವೀರಪ್ಪನ್‌ ಜತೆ ಇದ್ದು ರಾಜ್‌ ಅಪ ಹರಣದ ಬಗ್ಗೆ ಅವನ ಒಲವು ನಿಲವುಗಳನ್ನು ಚರ್ಚಿಸಿಕೊಂಡ ನಂತರ ಗೋಪಾಲ್‌ ಇವತ್ತು ರಾತ್ರಿ ಚೆನ್ನೈಗೆ ವಾಪಸ್ಸಾಗುತ್ತಾರೆಂದು ವರದಿಗಳಿವೆ. ವೀರಪ್ಪನ್‌ಗೆ ಏನು ಬೇಕು ? ಎರಡೂ ರಾಜ್ಯಗಳು ಕಳಿಸಿಕೊಟ್ಟಿರುವ ತಮ್ಮ ಉತ್ತರವನ್ನು ಕೇಳಿದ ಆತ ಏನು ಹೇಳಿದ ? ರಾಜ್‌ ಮತ್ತು ಅವರ ಇತರ ಮೂವರು ಸಂಗಡಿಗರನ್ನು ಯಾವಾಗ ಬಿಡುಗಡೆ ಮಾಡುತ್ತಾನೆ ? ಈ ಎಲ್ಲ ಪ್ರಶ್ನೆಗಳಿಗೆ ಗೋಪಾಲ್‌ ಉತ್ತರ ಹೊತ್ತು ತರುತ್ತಾರೆ ಎಂದು ಎಲ್ಲರೂ ಅವರ ಆಗಮನವನ್ನೇ ಕಾತರದಿಂದ ಎದುರು ನೋಡುತ್ತಿದ್ದಾರೆ. ಗೋಪಾಲ್‌ ಬರುವುದು ಇವತ್ತು ರಾತ್ರಿ. ಕಾಡಿನಲ್ಲಿ ಮಳೆಗಿಳೆ ಅಂತ ಇನ್ನೂ ಲೇಟಾದರೂ ಆಶ್ಚರ್ಯವಿಲ್ಲ. ಅಲ್ಲಿಯವರೆವಿಗೆ ಕಾಯುವುದು ಕಷ್ಟದ ಕೆಲಸ , ಕುತೂಹಲ ತಡೆಯುವುದಕ್ಕೆ ಆಗುತ್ತಿಲ್ಲ ಎನ್ನುತ್ತೀರಾ?

ಹೌದು. ನಿಮ್ಮ ಕಷ್ಟ ಅರ್ಥವಾಗತಕ್ಕದ್ದೆ. ಗೋಪಾಲ್‌ ಬರುವವರೆಗೆ ನಿಮ್ಮ ಕುತೂಹಲ ತಣಿಸುವ ಏಕಮೇವ ಉದ್ದೇಶದಿಂದ 'ವೀರಪ್ಪನ್‌ ಮತ್ತು ಗೋಪಾಲ್‌ ನಡುವೆ ನಡೆದ ಮಾತುಕತೆಯ ವಿವರಗಳನ್ನು " ಇಲ್ಲಿ ಕೊಡುತ್ತಿದ್ದೇವೆ. ಓದಿ..........

ವೀರಪ್ಪನ್‌ : ಹಲೋ ಗೋಪಾಲ್‌ ! ರಾಜ್‌ಕುಮಾರ್‌ ಅವರನ್ನು ಅಪಹರಿಸಿಕೊಂಡು ಬಂದಿದ್ದೇನೆ. ನೀನೇನಂತೀಯಾ ? ಸಂತೋಷ ಆಯಿತಾ?

ಗೋಪಾಲ್‌ : ಆ! ರಾಜ್‌ಕುಮಾರಾ ! ಥತ್‌ ನಿನ್ನ . ರಜನಿಯನ್ನೋ, ಕಮಲ್‌ನನ್ನೋ ಅಥವಾ ಇನ್ನಾರರಾ ತಮಿಳು ಆರಾಧ್ಯ ದೈವಗಳನ್ನೋ ಅಪಹರಿಸು ಅಂತ ನಾನು ಹೇಳಿದ್ದು.

ವೀರಪ್ಪನ್‌ : ನಾನೇನಪ್ಪಾ ಮಾಡ್ಲಿ ? ಯಾರೋ ಹೇಳಿದ್ರು ರಜನಿ, ಕಮಲ್‌ ವಿದೇಶಕ್ಕೆ ಹೋಗಿದ್ದಾರೆ, ಬರೋದು ಇನ್ನೂ ಕೆಲವು ತಿಂಗಳಾಗತ್ತೆ ಅಂತ . ಈ ಮಧ್ಯೆ ನಾನು ಟಿವಿಯಲ್ಲಿ ಮುಖತೋರಿಸಿ ವರ್ಷವಾಗುತ್ತ ಬಂತಲ್ಲಯ್ಯ.

ಸರೀ ಅಂತ ರಾಜ್‌ಕುಮಾರ್‌ ಅವರನ್ನೇ ಎತ್ತ್ಹಾಕಿಕೊಂಡು ಬಂದೆ ಗೋಪಾಲ್‌. ಅದ್ಸರಿ. ನನ್ನನ್ನು ನೋಡಕ್ಕೆ ನೀನು ಯಾವಾಗ ಬರ್ತಿ ?

ಗೋಪಾಲ್‌ : ಕರ್ನಾಟಕ, ತಮಿಳುನಾಡಿನ ಪ್ರತಿನಿಧಿಯಾಗಿ ಹೊರಟಿದ್ದೀನಿ, ಇವತ್ತು ರಾತ್ರಿ ಬರ್ತೀನಿ.

ವೀರಪ್ಪನ್‌ : ಬೇಗ ಬಾರಪ್ಪಾ . ನಿನ್ನ ನೋಡಿ ಬಹಳ ದಿನ ಆಯ್ತು. ಅಂದಹಾಗೆ ಹೆಂಡ್ತಿ, ಮಕ್ಕಳನ್ನ ಕರೆದುಕೊಂಡು ಬರ್ತೀಯೋ ಹೇಗೆ?

ಗೋಪಾಲ್‌ : ಹೆಂಡ್ತಿ, ಮಕ್ಕಳನ್ನಾ ! ಯಾಕೆ ?

ವೀರಪ್ಪನ್‌ : ಲಾಸ್ಟ್‌ ಟೈಂ ಫೋನ್‌ ಮಾಡ್ದಾಗ ನೀನೇ ಹೇಳಿದ್ದೆ ಅಲ್ವ . ಮಕ್ಕಳಿಗೆ ರಜಾ ಬಂದಿದೆ ಅಂತ. ಮಕ್ಕಳೂ ಬರ್ಲಿ, ಕಾಡಲ್ಲಿ ಆಟ ಗೀಟ ಆಡ್ಕೊಳ್ಳಿ ಅಂತ ಹೇಳ್ದೆ ಅಷ್ಟೆ.

ಗೋಪಾಲ್‌ : ಇಲ್ಲ, ಇಲ್ಲ. ಕ್ಯಾಮರಾಮನ್‌ ಜತೆಗೆ ನಾನೊಬ್ಬನೇ ಬರ್ತಾ ಇದೀನಿ.

ವೀರಪ್ಪನ್‌ : ಒಳ್ಳೆ ಕ್ಯಾಮರಾಮನ್‌ ಕರೆದುಕೊಂಡು ಬಾರಪ್ಪಾ ಮಾರಾಯ. ಹೋದಸಲ ಬಂದ ಆಸಾಮಿ ಸರೀನೇ ಇರಲಿಲ್ಲ. ಟಿವಿಯಲ್ಲಿ ನನ್ನದು ಒಂದು ಚಿತ್ರನಾದ್ರೂ ಚೆನ್ನಾಗಿ ಬರಲಿಲ್ಲ. ಈ ಸಲ ಕ್ಯಾಮರಾಮನ್‌ ಶ್ರೀರಾಮ್‌ ಕರೆದುಕೊಂಡು ಬರಕ್ಕಾಗತ್ತಾ ?

ಗೋಪಾಲ್‌ : ಆಯ್ತು, ಆಯ್ತು . ಒಳ್ಳೆ ಕ್ಯಾಮರಾಮನ್‌ ಕರೆದುಕೊಂಡು ಬರ್ತೀನಿ . ಆಮೇಲೆ , ಮದ್ರಾಸ್‌ನಿಂದ ಏನಾದರೂ ತರಬೇಕೇನಪ್ಪಾ ?

ವೀರಪ್ಪನ್‌ : ನಮ್ಮ ಟೀಂಗೆಲ್ಲ ವುಡ್‌ಲ್ಯಾಂಡ್‌ ಶೂಸ್‌ ಬೇಕಪ್ಪ. ಜತೆಗೆ ಮೀಸೆಗೆ ಹಾಕಕ್ಕೆ ಛಲೋ ಹೇರ್‌ ಟಾನಿಕ್‌ ತರಬೇಕು ನೋಡು.

ಗೋಪಾಲ್‌ : ಓಕೆ. ಅಲ್ಲಯ್ಯ ವೀರಪ್ಪಾ ನನ್ನ ಪಾಲು ಮರೀಬೇಡ ನೋಡು ಆಮೇಲೆ ಗೊತ್ತಾಯಿತಾ. ಐದುಕೋಟಿ ಬೇಕು ಹತ್ತು ಕೋಟಿ ಬೇಕು ಅಂತ ಯಾಕೆ ನೀನು ಡಿಮ್ಯಾಂಡ್‌ ಮಾಡೋದಕ್ಕೋ ಹೋದಿ. ಒಂದು ಕೋಟಿ ಸಾಕು ಕಣಪ್ಪ. ನಾನು ಅಶೋಕ್‌ನಗರದಲ್ಲಿ ಫ್ಲ್ಯಾಟ್‌ ತಗೋಬೇಕು...

ವೀರಪ್ಪನ್‌ : ಗೋಪಾಲ್‌, ಹಾಗೆ ಬರ್ತಾ ಒಂದು ಲ್ಯಾಪ್‌ ಟಾಪ್‌ ಕಂಪ್ಯೂಟರ್‌ ತಗೊಂಬಾರೋ

ಗೋಪಾಲ್‌ : ಯಾಕೇ ?

ವೀರಪ್ಪನ್‌ : ಕಾಡಲ್ಲಿ ತುಂಬಾ ಬೋರು ಹೊಡೆಯುತ್ತೋ ಕಣೋ. ಇಂಟರ್‌ನೆಟ್‌ನಲ್ಲಿ ಸರ್ಫ್‌ ಮಾಡ್ತಾಯಿದ್ರೆ ಟೈಂ ಪಾಸಾಗತ್ತೆ. ಆಮೇಲೆ ಹಂಗೇನೇ ಜಾವಾ ಸ್ಕಿೃಪ್ಟ್‌ ಕಲಿಯಣಾ ಅಂತಿದೀನಿ. ಒಂದು ಸರ್ಟಿಫಿಕೇಟ್‌ ಸಿಕ್ಕಿಬಿಟ್ಟರೆ...

ಗೋಪಾಲ್‌ : ಜಾವಾ ಸರ್ಟಿಫಿಕೇಟಾ ? ಅದ್ಯಾಕಯ್ಯಾ ?

ವೀರಪ್ಪನ್‌ : ಯಾವುದಕ್ಕೂ ಇದ್ರೆ ಒಳ್ಳೇದೂ..ಅಮೆರಿಕಾಗೆ ಹೋಗಿ ಬಿಲ್‌ ಗೇಟ್‌ನ ಕಿಡ್ನಾಪ್‌ ಮಾಡಣಾಂತ ...

ಗೋಪಾಲ್‌ : ತಮಾಷೆ ಅಲ್ಲಪ್ಪಾ ವೀರಪ್ಪಾ . ಅದೇನು ಇಂಡಿಯಾ ಅಂದುಕೊಂಡಿದ್ದೀಯಾ ? ಒಂದು ದಿವಸದಲ್ಲಿ ಹಿಡಿದು ಒಳಗೆ ಹಾಕ್ತಾರೆ ಗೊತ್ತಾ ?

ವೀರಪ್ಪನ್‌ : ಅಯ್ಯೋ ಗೋಪಾಲ. ನಾನೇನೋ ತಮಾಷೆ ಮಾಡಿದ್ರೆ ನೀನು ಅದನ್ನೇ ಸೀರಿಯಸ್ಸಾಗಿ ತಗೊಂಬಿಟ್ಟೆ. ಹುಚ್ಚು ಹುಡುಗ, ಹುಚ್ಚು ಹುಡುಗ !!

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Transcripts of veerappan-Gopal discussion!!

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more