ಈ ರಕ್ಷಾಬಂಧನಕ್ಕೆ ಕಳೆ ನೀಡಲಿದೆ ಅಂಧರು ಮಾಡಿದ ಸುಂದರ ರಾಖಿ
ಗಾಂಧಿನಗರ, ಜುಲೈ 28: ಅಣ್ಣ-ತಂಗಿಯರ ಬಂಧವನ್ನು ಗಟ್ಟಿಯಾಗಿಸುವ ರಾಖಿ ಹಬ್ಬ ಇನ್ನು ಕೆಲವೇ ದಿನಗಳಲ್ಲಿ ನಡೆಯಲಿದೆ. ಶ್ರಾವಣ ಮಾಸದ ಹುಣ್ಣಿಮೆಯಂದು ನಡೆಯುವ ಹಬ್ಬ ಈ ವರ್ಷ ಆಗಸ್ಟ್ 26 ರಂದು ಬಂದಿದೆ.
ಮಾರುಕಟ್ಟೆಗೆ ಈಗಾಗಲೇ ತರಹೇವಾರಿ ರಾಖಿಗಳು ಲಗ್ಗೆ ಇಟ್ಟಿವೆ. ಆದರೆ ಗುಜರಾತಿನ ಅಹ್ಮದಾಬಾದಿನಲ್ಲೊಂದು ಕಡೆ ತಯಾರಾಗುತ್ತಿರುವ ರಾಖಿ ವಿಶಿಷ್ಟವೆನ್ನಿಸಿದೆ. ಅದಕ್ಕೆ ಕಾರಣ ಈ ರಾಖಿಯನ್ನು ತಯಾರಿಸುತ್ತಿರುವವರು ಅಂಧರು!
ತಲೈವಾ ರಜನಿಕಾಂತ್ ರನ್ನೇ ಮೋಡಿ ಮಾಡಿದ ಈ ಪೋರ ಯಾರು?!
ಅಹ್ಮದಾಬಾದಿನ ಅಂಧ್ ಕನ್ಯಾ ಪ್ರಕಾಶ ಗೃಹ ಎಂಬ ದೃಷ್ಟಿಹೀನ ಮಹಿಳೆಯರಿಗಾಗಿ ಇರುವ ಎನ್ ಜಿಒ ವೊಂದು ಪ್ರತಿವರ್ಷ ರಾಖಿ ತಯಾರಿಸಿ ದೇಶದೆಲ್ಲೆಡೆ ಹಂಚುತ್ತದೆ. ಕಣ್ಣೇ ಇಲ್ಲದಿದ್ದರೂ ಇವರು ತಯಾರಿಸುವ ಸುಂದರ ರಾಖಿಗೆ ದೇಶದೆಲ್ಲೆಡೆ ಬೇಡಿಕೆ ಇದೆ!
ಸ್ವಚ್ಛ ಭಾರತಕ್ಕೆ ನಿಜವಾದ ಅರ್ಥ ನೀಡಿದ ಜಮ್ಮು ಕಾಶ್ಮೀರದ ಅಜ್ಜಿ!
ಕಳೆದ 20 ವರ್ಷಗಳಿಂದ ಈ ಸಂಸ್ಥೆಯ ಯುವತಿಯರು ತಯಾರಿಸುವ ರಾಖಿಗೆ ವಿಶೇಷ ಸ್ಥಾನ ನೀಡಲಾಗಿದೆ. ಅಣ್ಣ-ತಂಗಿಯರ ಬಂಧವನ್ನು ಮತ್ತಷ್ಟು ಗಟ್ಟಿಯಾಗಿಸುವ ಈ ಪವಿತ್ರ ದಾರದಲ್ಲಿ ಈ ಅಂಧರು ತುಂಬುವ ಆಪ್ತ ಭಾವದಿಂದಾಗಿ ರಾಖಿ ಮಹತ್ವ ಪಡೆದಿದೆ.
Gujarat:Visually challenged women at Andh Kanya Prakash Gruh in Ahmedabad,who have been making rakhis on Raksha Bandhan every year for the last 20 years,say,"Although we can't see,we try to make sure thatour rakhis look beautiful&people like them.Our activity gives us happiness." pic.twitter.com/pXgfkLd4Yu
— ANI (@ANI) July 26, 2018
ಅಹ್ಮದಾಬಾದಿನ ಅಂಧ್ ಕನ್ಯಾ ಪ್ರಕಾಶ ಗೃಹವು 200 ಕ್ಕೂ ಹೆಚ್ಚು ಅಂಧ ಮಕ್ಕಳಿಗೆ ಶಿಕ್ಷಣ, ವಸತತಿ ಮತ್ತು ವೃತ್ತಿ ತರಬೇತಿ ನೀಡುತ್ತಿದೆ. ಪ್ರತಿ ವರ್ಷವೂ ರಾಖಿ ಹಬ್ಬಕ್ಕೂ ಎರಡು ಮೂರು ತಿಂಗಳು ಮೊದಲು ಪ್ರಕಾಶ ಗೃಹದಲ್ಲಿ ಸಂಭ್ರಮದ ವಾತಾವರಣ ಮೇಳೈಸುತ್ತದೆ.