• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪ್ರತಿ ಬಾರಿ ಕಾಲದ ಗರ್ಭದಲಿ ಹುಟ್ಟುವುದು ಹೊಸದೊಂದು ಪಕ್ಕಿ!

By ಆರತಿ ಘಟಿಕಾರ್
|

ಹೊಸ ವರ್ಷ

ಕಚೇರಿಯಲ್ಲಿ

ಆಚರಿಸಿದ

ಹೊಸ ವರ್ಷದ

'Bar'tyಯಲ್ಲಿ

ಅವ ಕುಡಿದಿದ್ದು

ಮಾತ್ರ ಒಂ'tea'!

***

ಸಂಭ್ರಮದ ನೃತ್ಯ

ಗಡಿಯಾರದ ಮುಳ್ಳು

ಹನ್ನೆರಡು ತೋರಿಸುವಾಗ

ವಿಶೇಷವೆನಿಸುವುದಿಲ್ಲ

ದಿನ ನಿತ್ಯ

ನವ ವರ್ಷದ ರಾತ್ರಿ

ಕಾಲಿಟ್ಟೊಡನೆ

ಗಂಟೆ -ಮಿನಿಟಿನ

ಮುಳ್ಳುಗಳೂ ಮಾಡಿದವು

ಸಂಭ್ರಮದ ನೃತ್ಯ!

***

ಅಜ್ಜ-ಅಜ್ಜಿ

ಮಧ್ಯ ರಾತ್ರಿಗೆ

ಬೀದಿಯಲ್ಲಿ ಜೋರಾಯಿತು

ಪಟಾಕಿಗಳ ಸದ್ದು

ಹ್ಯಾಪಿ ನ್ಯೂ ಇಯರ್

ಎಂಬ ಕೂಗು

ಜೋರು ನಿದ್ದೆಯಲ್ಲಿದ್ದ

ಅಜ್ಜ -ಅಜ್ಜಿ

ಗೊಣಗುತ್ತಾ

ಗಟ್ಟಿಯಾಗಿ ಹೊದ್ದು

ಮಲಗಿದರು ರಗ್ಗು!

***

ನಾಂದಿ

ಹೊಸ ವರ್ಷಕ್ಕೆ

ಹಾಡುತಿದ್ದಾರೆ ನಾಂದಿ

ಅದಕ್ಕೇ

ಕೈಯಲ್ಲಿ ಬೀರು, ವಿಸ್ಕಿ ಬ್ರಾಂದಿ!

***

ಬದಲಿಸಿದ್ದು

ಕಳೆದ ವರ್ಷದ ನನ್ನ

ರೆಸಲ್ಯೂಶನ್ 'ಪಟ್ಟಿಯನ್ನು

ಬದಲಿಸಿ ಮಾಡಿದ್ದೇನೆ

ಈಗ ಠಾಕು -ಠೀಕು

ಹೆಚ್ಚೇನಿಲ್ಲ ನಾ

ಬದಲಿಸಿದ್ದು

ಬರೀ ಅದರ ತಾರೀಖು!

***

ಪಾರ್ಟಿ ಮೂಡ್

ಹಾಕಿಕೊಂಡರೆಲ್ಲ

ಉತ್ಸಾಹದಲಿ

ಹಬ್ಬ -ಹುಣ್ಣಿಮೆ

ಹುಟ್ಟು ಹಬ್ಬ

ವರ್ಷದ ರಜೆಗಳ

remindarಉ

ಪಾರ್ಟಿ ಮೂಡಿನಿಂದ

ಹೊರಗುಳಿದಿದ್ದು ಮಾತ್ರ

ಹಳೆ ಕ್ಯಾಲೆಂಡರು!

***

ಹದಿ ಹರೆಯ

ಹದಿನೆಂಟು

ತುಂಬಿದೊಡನೆ

ಅವನಿಗನಿಸಿತು

ಖಾತ್ರಿ

ಡಿಸೆಂಬರ್

ಮೂವತ್ತೊಂದರ

ಮಧ್ಯ ರಾತ್ರಿ

ಇನ್ನುಮುಂದೆ

ತನಗೆ

'ಮದ್ಯ' ರಾತ್ರಿ !

***

ಜೀವನದ ಲೆಕ್ಕಾಚಾರ

ಅಂದುಕೊಂಡೆ

ವರ್ಷಪೂರ್ತಿ

ನೆಮ್ಮದಿಯಾಗಿರಲು

ಸಕಾರಾತ್ಮಕ

ಯೋಚನೆಗಳನ್ನು ಕೂಡಿಸಿ

ನಾಕಾರತ್ಮಕ ಚಿಂತೆಗಳನ್ನು

ಕಳೆಯುವ ಲೆಕ್ಕಾಚಾರ

ಮಾಡಿದರಷ್ಟೇ ಸಾಕು

ಆದರೇನು ಮಾಡಲಿ

ಗಣಿತದಲ್ಲಿ ನಾ ಬಲು ವೀಕು!

***

ಬೇಗ ಬರಲಿ

ಯಜಮಾನರು

ಎಚ್ಚರಿಸಿದರು

ಮತ್ತೆ ಹೊಸವರ್ಷ

ಬರುವವರೆಗೂ

ನನ್ನ ತೂಕವಿಳಿಸುವ

ಯೋಜನೆ

ಜಾರಿಯಲ್ಲೆ ಇರಲಿ

ಆತಂಕದಲ್ಲಿ

ಬೇಡಿಕೊಂಡೆ

ಯುಗಾದಿ ಈ ಬಾರಿ

ಜನವರಿಯಲ್ಲೇ ಬರಲಿ !

***

ಹೊಸ ವರುಷ

ಪ್ರತಿ ಬಾರಿ

ಕಾಲದ ಗರ್ಭದಲಿ

ಹುಟ್ಟುವುದು

ಹೊಸದೊಂದು ಪಕ್ಕಿ

ಸಿಹಿ -ಕಹಿ

ನೋವು ನಲಿವು

ಗೂಡಿನಲ್ಲಿಟ್ಟು

ವರುಷ ಒಂದರಲ್ಲೆ

ಹಾರಿ ಹೋಗುವ ಹಕ್ಕಿ!

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
New Year Short Kannada poems by Arathi Gatikar.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more