ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಸರಿದು ಹೋಗುವ ಮುನ್ನ ಬೆನ್ನಲ್ಲಿ ವಿಳಾಸ ಬರೆದಿಟ್ಟುಬಿಡು!

By ಅಂಜಲಿ ರಾಮಣ್ಣ
|
Google Oneindia Kannada News

ಒಮ್ಮೆ ಕಾಡಿಸು ನನ್ನನ್ನು
ಲೂಟಿ ಮಾಡಿಬಿಡು
ಕೂದಲು ಕೆದರಿ
ರೂಪವಳಿಸಿಬಿಡು

ಮತ್ತೆ ಮತ್ತೆ ಮೂಡುವ ಇಬ್ಬನಿಯಂತೆ
ಉಳಿಯದಂತೆ ನೆನಪುಗಳೂ ಕುಡಿದುಬಿಡು
ಬಿಗುವಾದ ನನ್ನೆದೆಯ ನಡುವೆ

ಉಸಿರಿಟ್ಟು ಆಕಾಶಗಾಮಿಯಾಗಿಬಿಡು

Kannada poem by Anjali Ramanna

ಅವಿತು ಕೆಣಕಿ ಅಳಿಸಿ
ಅನಿರೀಕ್ಷಿತಗಳ ಸ್ಪರ್ಶಿಸಿಬಿಡು
ತುಟಿ ನಾಲಿಗೆ ಎಂಜಲಿನಿಂದ
ಕೊರಳಲಿ ನಕ್ಷತ್ರ ಹೊಳೆಸಿಬಿಡು

ನನ್ನ ಬರಿದಿನೊಳಗೆ
ಅರ್ಧ ಔನ್ಸ್ ಆಯುಷ್ಯವಾಗಿಬಿಡು
ಪ್ರಾಣದ ಕೊನೆಯಂಚಿನಲಿ
ಹೂವಿನ ಸಂಚಾರವಾಗಿಬಿಡು

ಅಸ್ತಿಮಜ್ಜೆಯ ಮಂಡಲದಲ್ಲಿ ಸುಳಿದು
ಕಿಬ್ಬೊಟ್ಟೆಯಲಿ ರೆಕ್ಕೆಯಾಗಿಬಿಡು
ನೀ ಬದುಕುತ್ತಲೇ ನನ್ನ ಪಾಲೂ
ಸಲ್ಲಿಸಲು ಅವಕಾಶ ಕೊಟ್ಟುಬಿಡು

ಸರಿದು ಹೋಗುವ ಮುನ್ನ
ಬೆನ್ನಲ್ಲಿ ವಿಳಾಸ ಬರೆದಿಟ್ಟುಬಿಡು!

English summary
Kannada poem by Anjali Ramanna
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X