ಹೆಂಡ-ತಿ

• ದೀಪು
  [email protected]

ಕೆಂಚಿಯ ಕಂಡ ಮೊದಲ ಕ್ಷಣ

ಪಡಖಾನೆ ಕಂಡ ಕುಡುಕನ ಮನ

ಕೈ ತುಂಬ ಕಾಸು, ಹೆಂಡ ನೆನೆದುದೆಲ್ಲ

ಕೆಂಚಿಯ ರೂಪವೇ ಕಂಡದ್ದು ಕನಸಲೆಲ್ಲ

ಅವಳ ಕಣ್ಣಿನಾಳವ ಹಂಬಲಿಸಿದರೆ
ಹದವಾದ ಹೆಂಡ, ತಿಳಿಸದೆ, ನಶೆಯೇರಿಸಿದಂತೆ
ಕೆಂಚಿಯ ಕಿರುನಗುವ ಸ್ವಾದಿಸಿದರೆ
ಸುಕ್ಕಾ ಕುಡಿದು ಜಿಗಿದಾಡಿದಂತೆ

ಪಟ-ಪಟನೆ ಆಕೆ ನುಡಿದರೆ
ಗಟ-ಗಟನೆ ಹೆಂಡವ ಹೀರಿದಂತೆ
ನನ್ನ ನೋಟಕೆ ಆಕೆ ನಾಚಿದರೆ
ನಡುವೆ ಉಪ್ಪಿನಕಾಯಿ ನೆಕ್ಕಿದಂತೆ

ಕೈ ಹಿಡಿದು ನನ್ನೊಡನೆ ಆಕೆ ನಡೆದರೆ
ಕಂಠಪೂರ್ತಿ ಕುಡಿದು ತಂಗಾಳಿಯಲಿ ತೇಲಿದಂತೆ
ಕೆಂಗಣ್ಣಿನಿಂದ ನನ್ನಾಕೆ ನನ್ನ ಕಂಡರೆ
ಕುಡಿದದ್ದೆಲ್ಲ ನಾ ಕಕ್ಕಿ ನರಳಿದಂತೆ

ಯಲ್ಲೂ ಇದೆ ಹೆಂಡ
ಅರಿಯದಿದ್ದರೆ ನೀನೇ ಹೆಡ್ಡ
ಒಡಲ ಸುಡಲು ಹೆಂಡ
ಒಲವಿನ ನಶೆಯಲ್ಲಿ ಸಾಕ್ಷಾತ್ಕಾರಕ್ಕೆ ಹೆಂಡತಿ