ಅರಿವಳಿಕೆಯಿಂದಾಚಿನ ಅರಿವು

ಇದರಾಚೆ ಇನ್ನೊಂದು ಲೋಕವಿದೆ.. ಆ ಲೋಕ ಮತ್ತು ಈ ಲೋಕದ ವ್ಯವಹಾರಗಳು ಎಷ್ಟೊಂದು ಭಿನ್ನ?

• ಅಂಜಲಿ ರಾಮಣ್ಣ, ಬೆಂಗಳೂರು.
  [email protected]

ಕರುಳ ಬಳ್ಳಿಯಲ್ಲಿನ್ನೂ ಬಿರಿಯಹೊರಟ್ಟಿದ್ದ ಮೊಗ್ಗುಗಳ ಕಲರವ. . .

ಹಿಂದಿನವರು ಮುಂದಿನವರೇ ಆಗಿ ನೆತ್ತಿ ಆಘ್ರಾಣಿಸಿದ ಅನುಭವ. . .

ಹೃದಯದ ಬಾಗಿಲಲ್ಲಿ ಹೆಜ್ಜೆಗಳ ಸಪ್ಪಳ ಯಾರದ್ದು?

ಯಾರು ಯಾರದ್ದೋ. . .

ಹುಲ್ಲುಗಾವಲಿನಲ್ಲಿ ಕಾಲ್ಗುರುತ ನೀಡಬಯಸಿದ್ದೆ

ಓಡುತ್ತಲೇ ಇದ್ದೆ. . .

ತಿರುಗಿ ನೋಡುತ್ತಲೂ ಇದ್ದೆ ಹಸಿರು ಹುಟ್ಟುತ್ತಲೇ ಇತ್ತು. . .

ಮಾತುಗಳು ನನ್ನವು ಆದರೆ ನನ್ನವಲ್ಲ ಶಬ್ಧ. . .

ಒಂದರೆನಿಮಿಷ ಎಲ್ಲವೂ ಸ್ತಭ್ದ. . .

ಅರೆ, ಇದೇ ಮೌನವನ್ನಲ್ಲವೇ ನಾ ಬಯಸಿದ್ದು. . .

ಆದರೆ ಈ ಏಕಾಂತದಲ್ಲಲ್ಲವಲ್ಲ. . .

ದೇಹದೊಳಗೆಲ್ಲಾ ಕತ್ತರಿಯ ಗುಡು ಗುಡು. . .

ಬಂದಿತ್ತು

ಆ ಜಗತ್ತಿನ ಕೊಂಡಿ ಕಳಚಿತ್ತು. . .

ನನ್ನತನವೆಲ್ಲಾ ಸತ್ತೂ ಸುತ್ತುವರೆದಿತ್ತು ನನ್ನನ್ನೇ. . .

ಮೂಲೆಯಲ್ಲನ್ನಿಸಿತ್ತು ‘ನ ’ ಕಾರಗಳೆಲ್ಲಾ ಈ ಜಗತ್ತಿನ ಸ್ವತ್ತು ತಾನೆ?. . .

ಅದಕ್ಕೇ ಇರಬೇಕು ಅಲ್ಲಿ ನಾನು ನಾನಾಗಿರಲಿಲ್ಲ. . .

ಇಲ್ಲಿ ನಾನು ನಾನಾಗಲೇ ಇಲ್ಲ!