ನೆನಪಿನ ಅಲೆಗಳು

• ಕುಮಾರಸ್ವಾಮಿ. ಎಂ.ಜಿ., ಮೈಸೂರು
  [email protected]

ಮೆಲ್ಲನೆ ತಂಗಾಳಿಯು ಬೀಸುತ್ತಿರುವ ಸುಂದರ ಮುಸ್ಸಂಜೆಯಲಿ

ಮುಳುಗುತ್ತಿರುವ ಸೂರ್ಯನ ನೋಡುತ್ತಿರಲು ಕಡಲತೀರದಲಿ

ಸಾಗರದ ಅಲೆ ಅಲೆಯಾಗಿ ಮೂಡಿ ಬಂದವು

ಮನದಾಳದಿಂದ ಸುಂದರ ನೆನಪುಗಳು

ನೆನಪುಗಳು ನಾವು ನಡೆದು ಬಂದ ಹಾದಿಯ ಕನ್ನಡಿಯಂತೆ
ನಮ್ಮನೇ ಚಿತ್ರಿಸುವ ನಮ್ಮ ಪ್ರತಿಬಿಂಬದಂತೆ
ನೆನಪುಗಳು ನಾವು ಮುಂದೆ ನಡೆದು ಹೋಗುವ ಹಾದಿಯ ಮುನ್ನುಡಿಯಂತೆ
ಕಾಲ ಉರುಳಿದರು, ಸಾಲು ಸಾಲಾಗಿ ನಿಲ್ಲುವ ಸಾಲು ದೀಪಗಳಂತೆ

ನೆನಪುಗಳು ನಮ್ಮ ಬಾಳ ಪಯಣದಲಿ ಜೊತೆಗೂಡಿ ಬರುವ ಪಯಣಿಗನಂತೆ
ನಮ್ಮ ಬಾಳ ಹಾದಿಯುದ್ದಕ್ಕೂ ನಮಗಾಗುವ ಆಸರೆಯಂತೆ
ಸವಿಯಾದ ನೆನಪುಗಳು ಕಡಲಾಳದಂತೆ
ಅವುಗಳಿಗೆ ದೇಶ ಸಾಗರದ ಅಂತರವೇ ತಿಳಿಯದಂತೆ

ನೆನಪುಗಳು ಸದಾ ಮನದೊಳಗೆ ನೆನಪಾಗಿರಲಿ
ಎಂದು ಅಳಿಯದಂತೆ ಮನದೊಳಗೆ ಅಚ್ಚಹಸಿರಾಗಿರಲಿ
ನೂರಾರು ಸುಂದರ ನೆನಪಿನಿಂದ ತುಂಬಿದೆ ಈ ಮನವೆಂಬ ಸಾಗರ
ಈ ಸಾಗರದಲಿ ಅಲೆ ಅಲೆಯಾಗಿ ತೇಲಿಬಂದ ನೆನಪುಗಳೆ ಅಮರ ಅಮರ.