ದು:ಖ(ಕ)ವನ

ದು:ಖ(ಕ)ವನ

• ಚಂದ್ರಶೇಖರ ಬಿ. ಎಚ್‌.
  Email : [email protected]
  Website : http://in.geocities.com/kavithasangama

ಅಮ್ಮಾ , ಯಾರಿವರು ? ಎಲ್ಲಿಂದ ಬಂದರು ?

ನಮ್ಮನೇಕೆ ಕಡಿವರು, ಕೊಲ್ಲುವರು?

ಕಂದಾ, ಇವರು ಮಾನವರು, ಮಹಾ-
ಬುದ್ಧಿವಂತರಂತೆ(?!), ಇವರಿಂದ ಅಸಾಧ್ಯವೂ ಸಾಧ್ಯವಂತೆ!

ಅದಿರಲಿ ಅಮ್ಮಾ , ಇವರೇನು ನಮ್ಮ ಬೆಳೆಸಿದರೆ?
ನೀರುಣಿಸಿ ಬೆಳೆಸಿದರೆ, ಇವರಿಗಾಗಿಯೇ ನಾವು ಸಾಯಬೇಕೆ?

ಕಂದಾ, ಈ ಜೀವಿಗಳು - ತಮ್ಮಿಂದ ಈ ಲೋಕ,
ಈ ಕಾಡು-ವನಚರ ಪ್ರಪಂಚವೆಂದು ಮೆರೆಯುತಿಹರು
ನಮ್ಮ ಮರೆಯುತಿಹರು ಧನದಾಸೆಯಲಿ,
ತಮ್ಮತನವ ಮರೆಯುತಿಹರು, ನಮ್ಮನು ಕೊಂದು!

ಕಂದಾ, ಇರಲಿ ಬಿಡು. ಇಂದಲ್ಲ ನಾಳೆ, ಅದರಾಚೆ ನಾಳೆ
ಇವರೆಲ್ಲಿ ಉಳಿವರು ? ನೀನ್‌ ಅಳದಿರು ಕಂದಾ ಸಾಯ್ವೆನೆಂದು, ಕೊಲ್ವರೆಂದು.
ಬೆಂಡಾಗಿ, ಬರದ ಬೇಗೆಗೆ ಸಿಕ್ಕು ನರಳುವರು. ಇದು ನಮ್ಮ
ಮನದ ನೋವಿಗೆ ಅವರಿಗೆ ದೇವನಿಟ್ಟಿರುವ ಫಲ, ಮಗೂ.

ಇದೋ ನಮ್ಮ ನೋವಿನ ಶಾಪವಲ್ಲ . ಅದು ಅವರ ಕರ್ಮ.
ನಮ್ಮನು ಅಳಿಸಿ ನಲಿವರಿಗೆ ದುಷ್ಫಲವುಂಟು, ನೀನ್‌ ಅಳದಿರು ಕಂದಾ।

ಈ ಕವಿತೆಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ